విజయ్‌ ఆంటోనీని స్టార్‌ హీరోగా మార్చిన సినిమా 'బిచ్చగాడు'. ఈ సినిమా సీక్వెల్‌గా 'బిచ్చగాడు 2' రూపొందుతోంది. ఈ సినిమాను విజరు ఆంటోనీ ఫిల్మ్ కార్పొరేషన్‌ బ్యానర్‌ పై ఫాతిమా విజయ్‌ ఆంటోనీ నిర్మిస్తున్నారు. ఈ చిత్రంతో విజయ్‌ ఆంటోనీ దర్శకుడిగా మారుతున్నారు. ఆయన దర్శకత్వంతో పాటు సంగీతాన్ని అందిస్తూ ఎడిటింగ్‌ బాధ్యతలూ వహిస్తుండటం విశేషం. కావ్య థాపర్‌ నాయికగా నటిస్తోంది. గతంలో విడుదలైన ఈ సినిమా థీమ్‌ సాంగ్‌ వినూత్నంగా ఉండి అందర్నీ ఆకట్టుకుంది. సినిమా ఎలా ఉండబోతోందనే ఇంట్రెస్ట్‌ క్రియేట్‌ చేసింది. ఇక తాజాగా ఈ సినిమా విడుదలపై చిత్రబృందం ప్రకటన చేసింది. ఈ చిత్రాన్ని వచ్చే ఏడాది సమ్మర్‌లో విడుదల చేసేందుకు సన్నాహాలు చేస్తున్నారు. దేవ్‌ గిల్‌, హరీష్‌ పెరడి, జాన్‌ విజయ్‌, రాధా రవి, మన్సూర్‌ అలీ ఖాన్‌, వైజీ మహేంద్రన్‌, రాజా కృష్ణమూర్తి తదితరులు ఇతర కీలక పాత్రల్లో నటిస్తున్న ఈ చిత్రానికి సినిమాటోగ్రఫీ - విజరు మిల్టన్‌, ఓం ప్రకాష్‌, నిర్మాత - ఫాతిమా విజయ్‌ ఆంటోనీ, రచన, సంగీతం,ఎడిటింగ్‌, దర్శకత్వం - విజయ్‌ ఆంటోనీ.
