'విశ్వక్‌' సినిమా తరువాత అజయ్‌ కతుర్వార్‌ నటించిన చిత్రం 'అజయ్‌ గాడు'. తాజాగా మేకర్స్‌ ఈ చిత్రంలోని మొదటి సింగిల్‌ 'కైకు మామా' అనే ర్యాప్‌ సాంగ్‌ను విడుదల చేశారు.
ఈ పాట వెనుక ఉన్న కాన్సెప్ట్‌, శ్రీకాంత్‌, అజయ్‌, ఇన్సాన్‌ రాసిన ఇంపాక్ట్‌ఫుల్‌ లిరిక్స్‌, సినిమాటోగ్రాఫర్‌ అజయ్‌ నాగ్‌ విజువల్స్‌, విశాల్‌ స్టైలిష్‌ కొరియోగ్రఫీ అద్భుతంగా ఉండటంతో ఈ కూల్‌ ర్యాప్‌ సాంగ్‌ అందర్నీ అలరిస్తోంది. అలాగే సుమంత్‌ బట్టు సంగీతంతో ఇదొక చార్ట్‌బస్టర్‌ అయ్యింది. అద్భుతమైన టీజర్‌, మెస్మరైజ్‌ చేసే ఫస్ట్‌ సింగిల్‌తో అజయ్‌ కతుర్వార్‌ ప్రామిసింగ్‌ ప్రాజెక్ట్‌తో వస్తున్నట్లు చెప్పకనే చెబుతోంది.
ఈ ప్రాజెక్ట్‌ను అజయ్‌ కతుర్వార్‌ దర్శకత్వం వహించారు. చందనా కొప్పిశెట్టి సహకారంతో అజయ్‌ కుమార్‌ ప్రొడక్షన్స్‌ బ్యానర్‌పై ఆయనే స్వయంగా నిర్మించారు. భాను శ్రీ, శ్వేతా మెహతా కథానాయికలుగా నటిస్తున్నారు. అజయ్‌ నాగ్‌, హర్ష హరి జాస్తి సినిమాటోగ్రఫీ నిర్వహిస్తున్నారు. ఈ చిత్రానికి కార్తీక్‌ కొడకొండ్ల, మనీజేన, సుమంత్‌ బాబు, ప్రతీక్‌ సంగీతం అందించగా, నేపథ్య సంగీతాన్ని సిద్ధార్థ్‌ శివుని సమకూర్చారు.
