'పిల్లా నువ్వులేని జీవితం', 'ఈడోరకం, ఆడోరకం' వంటి హాస్య ప్రధాన చిత్రాలతో రచయితగా తనదైన ముద్రవేసుకున్న డైమండ్‌ రత్నబాబు దర్శకత్వంలో రూపొందు తున్న హిలేరియస్‌ ఎంటర్‌టైనర్‌ 'అన్‌ స్టాపబుల్‌'. 'అన్‌ లిమిటెడ్‌ ఫన్' అనేది ఉపశీర్షిక. బిగ్‌ బాస్‌ విన్నర్‌ విజె సన్నీ, సప్తగిరి హీరోలుగా నటిస్తున్న ఈ చిత్రంలో నక్షత్ర, అక్సాఖాన్‌ హీరోయిన్లు. ఎ2బి ఇండియా ప్రొడక్షన్‌లో రజిత్‌రావు ఈ చిత్రాన్ని నిర్మిస్తున్నారు.
హైదరాబాద్, నిజామాబాద్, గోవాలో చిత్రీకరణ జరుపుకున్న ఈ చిత్రం షూటింగ్‌ పూర్తి చేసుకొని, పోస్ట్‌ ప్రొడక్షన్‌ వర్క్‌లతో ముస్తాబవుతోంది. ఇటివలే నిర్మాత దిల్‌ రాజు విడుదల చేసిన మోషన్‌ పోస్టర్‌కు మంచి స్పందన వచ్చింది. లేటెస్ట్‌గా అగ్రకథానాయకుడు నాగార్జున సోమవారం ఈ చిత్ర టీజర్‌ను రిలీజ్‌ చేసి, టీమ్‌కి శుభాకాంక్షలు తెలిపారు.
'ట్విస్టులకే టీషర్టు వేసినట్లుండే ఇద్దరు ఇలఖత మఫిలియా గురించి మీకు చెప్తా' అంటూ 30 ఇయర్స్‌ పృథ్వీ వాయిస్‌ ఓవర్‌తో మొదలైన టీజర్‌ ఆద్యంతం వినోదం పంచింది. సన్నీ, సప్తగిరిలను మోసగాళ్ళయిన బెస్ట్‌ ఫ్రెండ్స్‌గా పరిచయం చేశారు. హాస్యనటులు బిత్తిరి సత్తి, షకలక శంకర్‌, రఘుబాబు పాత్రలు ఫన్ రైడ్‌గా సాగాయి. టీజర్‌లో వినిపించిన డైలాగులు అద్భుతంగా పేలాయి. స్క్రీన్‌ప్లే రసవత్తరంగా ఉంది. టీజర్‌ మొత్తం హిలేరియస్‌గా ఉంటూ, డైమండ్‌ రత్నబాబు తన మార్క్‌ ఎంటర్‌టైనర్‌తో థియేటర్స్‌లో నవ్వులు పూయించడానికి వస్తున్నారని టీజర్‌ చెప్పకనే చెప్పింది. భీమ్స్‌ సిసిరోలియో బ్యాక్‌గ్రౌండ్‌ స్కోర్‌ మరో పెద్ద అసెట్‌. ఈ చిత్రం పోస్ట్‌ ప్రొడక్షన్‌లో ఉండగానే పలు ఓటీటీ సంస్థల నుంచి ఆఫర్లు రావడం, ఇండిస్టీలో పాజిటివ్‌ టాక్‌ రావడంతో మేకర్స్‌ సంతోషంగా ఉన్నారు. ఇప్పటికే చిత్ర మ్యూజిక్ రైట్స్‌ పెద్ద సంస్థ తీసుకుంది. మేకర్స్‌ త్వరలోనే సినిమా విడుదల తేదీని ప్రకటిస్తారు' అని చిత్ర యూనిట్‌ పేర్కొంది.
డిజే టిల్లు మురళి, సూపర్‌ విమన్‌ లిరీషా, రాజా రవీంద్ర, పోసాని కృష్ణ మురళి, చమ్మక్‌ చంద్ర, విరాజ్‌ ముత్తంశెట్టి, గీతా సింగ్‌, రోహిణి, రూప లక్ష్మీ, మణి చందన, విక్రమ్‌ ఆదిత్య, రఘుబాబు, ఆనంద్‌ చక్రపాణ, గబ్బర్‌ సింగ్‌ బ్యాచ్‌ తదితరులు నటిస్తున్న ఈచిత్రానికి సహ నిర్మాతలు : షేక్‌ రఫీ, బిట్టు, రాము వురుగొండ, సంగీతం: భీమ్స్‌ సిసిరోలియో, డీవోపీ: వేణు మురళీధర్‌, ఎడిటర్‌ : ఉద్ధవ్‌, లిరిక్స్‌ : కాసర్ల శ్యామ్‌, స్టంట్స్‌ : నందు, కోరియోగ్రఫీ: భాను.
