చిరంజీవి, దర్శకుడు బాబీ కొల్లి (కెఎస్‌ రవీంద్ర) కాంబోలో రూపొందుతున్న చిత్రం 'వాల్తేరు వీరయ్య'. తాజాగా శనివారం థర్డ్‌ సింగిల్‌ వాల్తేరు వీరయ్య టైటిల్‌ ట్రాక్‌ని విడుదల చేశారు.
'ఇది ఎక్స్‌ట్రార్డినరీ ఎడిక్టివ్‌ నంబర్‌. 'వాల్తేరు వీరయ్య' టైటిల్‌ ట్రాక్‌ అన్ని వర్గాల మ్యూజిక్ లవర్స్‌, ముఖ్యంగా మాస్‌ని మెస్మరైజ్‌ చేసే ఇన్‌స్టంట్‌ హిట్స్‌. చంద్రబోస్‌ రాసిన ప్రతి పదం ఉరుములా ఉంది. శక్తివంతమైన లిరిక్స్‌తో పవర్‌ ఫుల్‌ తుఫానును సృష్టిస్తోంది. 'వాల్తేరు వీరయ్య' పరాక్రమాన్ని వీరోచితంగా ప్రజంట్‌ చేస్తోంది. ఈ మధ్య కాలంలో వచ్చిన బెస్ట్‌ టైటిల్‌ సాంగ్‌, హీరో ఇంట్రడక్షన్‌ సాంగ్‌ ఇదే. దేవి శ్రీ ప్రసాద్‌ అద్భుతమైన కంపోజిషన్‌తో బ్రాస్‌ ఆర్కెస్ట్రా సెక్షన్‌ బ్యాంకాక్‌ మ్యుజిషియన్స్‌తో ఈ పాటను రికార్డ్‌ చేశారు. అనురాగ్‌ కులకర్ణి ఎనర్జిటిక్‌గా పాడారు. ఆల్బమ్‌లోని 'బాస్‌ పార్టీ', 'నువ్వు శ్రీదేవి నేను చిరంజీవి' ఇప్పటికే చార్ట్‌బస్టర్‌లుగా నిలిచాయి. ఇప్పుడు ఈ సినిమా టైటిల్‌ ట్రాక్‌ అన్ని రికార్డులను బద్దలు కొట్టబోతోంది. ఈ చిత్రంలో రవితేజ కీలక పాత్ర పోషిస్తున్నారు. చిరంజీవి సరసన శృతిహాసన్‌ కథానాయికగా నటిస్తోంది. మైత్రీ మూవీ మేకర్స్‌ బ్యానర్‌ పై నవీన్‌ యెర్నేని, వై రవిశంకర్‌ భారీ స్థాయిలో ఈ చిత్రాన్ని నిర్మిస్తున్నారు. జికె మోహన్‌ సహ నిర్మాత. ఈ సినిమా జనవరి 13న ప్రపంచవ్యాప్తంగా గ్రాండ్‌గా ప్రేక్షకుల ముందుకు రానుంది' అని చిత్ర బృందం తెలిపింది.
ఈ చిత్రానికి కథ, మాటలు, దర్శకత్వం: బాబీ కొల్లి (కేఎస్‌ రవీంద్ర), డీవోపీ: ఆర్థర్‌ ఎ విల్సన్‌, ఎడిటర్‌: నిరంజన్‌ దేవరమానే, ప్రొడక్షన్‌ డిజైనర్‌: ఏఎస్‌ ప్రకాష్‌, సహ నిర్మాతలు: జీకే మోహన్‌, ప్రవీణ్‌ ఎం, స్క్రీన్‌ ప్లే: కోన వెంకట్‌, కె చక్రవర్తి రెడ్డి, ఎడిషినల్‌ రైటింగ్‌: హరి మోహన కృష్ణ, వినీత్‌ పొట్లూరి, సిఈవో: చెర్రీ, కాస్ట్యూమ్‌ డిజైనర్‌: సుస్మిత కొణిదెల, లైన్‌ ప్రొడ్యూసర్‌: బాలసుబ్రహ్మణ్యం కె.వి.వి.
