అక్కినేని నాగ చైతన్య, వెంకట్‌ ప్రభు క్రేజీ కాంబినేషన్‌లో రూపొందుతున్న ప్రతిష్టాత్మక తెలుగు-తమిళ ద్విభాషా చిత్రం 'కస్టడీ'. ఈ చిత్రంలో నాగచైతన్య సరసన కతి శెట్టి కథానాయికగా నటిస్తోంది. శ్రీనివాస సిల్వర్‌ స్క్రీన్‌ బ్యానర్‌పై శ్రీనివాస చిట్టూరి భారీగా నిర్మిస్తున్న ఈ చిత్రాన్ని పవన్‌కుమార్‌ సమర్పిస్తున్నారు.
నాగ చైతన్య పుట్టినరోజు సందర్భంగా విడుదల చేసిన చేసిన 'కస్టడీ' టైటిల్‌ పోస్టర్‌, ఫస్ట్‌ లుక్‌కి ట్రెమండస్‌ రెస్పాన్స్‌ వచ్చింది. ఫస్ట్‌ లుక్‌ పోస్టర్‌లో నాగ చైతన్య ఫెరోషియస్‌గా కనిపించి క్యూరియాసిటీని పెంచారు.
తాజాగా మేకర్స్‌ ఈ చిత్ర థియేట్రికల్‌ రిలీజ్‌ డేట్‌ని లాక్‌ చేశారు. సెలవులను సద్వినియోగం చేసుకునేలా ఈ చిత్రాన్ని మే 12, 2023న ప్రపంచవ్యాప్తంగా గ్రాండ్‌గా విడుదల చేస్తున్నట్లు ప్రకటించారు. ఈ చిత్రం తెలుగు, తమిళ భాషల్లో ఏకకాలంలో విడుదల కానుంది. అత్యున్నత నిర్మాణ విలువలు, సాంకేతిక ప్రమాణాలతో ఈ చిత్రం రూపొందుతోంది. అరవింద్‌ స్వామి విలన్‌ పాత్రలో నటిస్తుండగా, ప్రియమణి పవర్‌ ఫుల్‌ పాత్రలో కనిపించనుంది. ఈ చిత్రంలో సంపత్‌ రాజ్‌, శరత్‌ కుమార్‌, ప్రేమ్‌ జీ, వెన్నెల కిషోర్‌, ప్రేమి విశ్వనాథ్‌ ఇతర కీలక పాత్రలలో నటిస్తున్నారు. ఈ చిత్రానికి దిగ్గజ తండ్రీకొడుకులు సంగీత ద్వయం ఇళయరాజా, యువన్‌ శంకర్‌ రాజా సంగీతం అందిస్తున్నారు. అబ్బూరి రవి డైలాగ్స్‌ రాస్తుండగా, ఎస్‌ఆర్‌ కతిర్‌ సినిమాటోగ్రఫీ అందిస్తున్నారు. ఈ చిత్రానికి కథ, స్క్రీన్‌ప్లే, దర్శకత్వం: వెంకట్‌ ప్రభు, ఎడిటర్‌: వెంకట్‌ రాజన్‌, ప్రొడక్షన్‌ డిజైనర్‌: రాజీవ్‌, యాక్షన్‌: మహేష్‌ మాథ్యూ, ఆర్ట్‌ డైరెక్టర్‌: డివై సత్యనారాయణ.
