చిరంజీవి, రవితేజ పాత్రలను పరిచయం చేస్తూ 'వాల్తేరు వీరయ్య' మేకర్స్‌ రెండు విభిన్న ప్రోమోలను విడుదల చేశారు. టీమ్‌ ఇప్పటివరకు విడుదల చేసిన మూడు పాటల్లోనూ చిరంజీవి అలరించారు. ఇకపై చిరంజీవి, రవితేజ ద్వయం అలరించేందుకు రెడీ అవుతోంది. వీళ్ళిద్దరూ కలిసి నటించిన 'పూనకాలు లోడింగ్‌..' పాట ఈనెల 30న విడుదల కానుంది. ఈ స్టార్ల ఇద్దరి అభిమానులకు రెండు రోజుల ముందుగానే న్యూ ఇయర్‌ గిఫ్ట్‌ని ఈ పాట రూపంలో అందిస్తున్నారు.
ఎనౌన్స్‌మెంట్‌ పోస్టరే పూనకాలు తెప్పిం చేస్తోంది. అందులో చిరంజీవి, రవితేజ ఒకరి నొకరు ఫెరోషియస్‌గా చూస్తున్నారు. బ్యాక్‌గ్రౌండ్‌లో జాతర వాతావరణం కనిపిస్తోంది. పోస్టర్‌లో చిరంజీవి, రవితేజ కాంట్రాస్ట్‌ లుక్‌లో కనిపిస్తున్నారు. చిరు టైటిల్‌ రోల్‌లో కనిపిస్తుండగా, రవితేజ పోలీస్‌ పాత్రలో నటిస్తున్నారు. మెగా మాస్‌ పూనకాలు చూడాలంటే ఇంకో రోజు ఆగాలి. దేవి శ్రీ ప్రసాద్‌ బ్లాక్‌ బస్టర్‌ ఆల్బమ్‌ని స్కోర్‌ చేసాడు. నాలుగో పాట ఇప్పటికే ఉన్న అన్ని రికార్డులను బద్దలు కొట్టి మెగా మాస్‌ సాంగ్‌ ఆఫ్‌ ది ఇయర్‌ కాబోతోంది.
బాబీ కొల్లి దర్శకత్వం వహిస్తున్న ఈ ప్రతిష్టాత్మక ప్రాజెక్ట్‌ భారీ బడ్జెట్‌తో రూపొందుతోంది. చిరంజీవి సరసన శృతి హాసన్‌ కథానాయికగా నటిస్తున్న ఈ చిత్రాన్ని మైత్రీ మూవీ మేకర్స్‌ బ్యానర్‌ పై నవీన్‌ యెర్నేని, వై రవిశంకర్‌ నిర్మిస్తున్నారు. జికె మోహన్‌ సహ నిర్మాత. సంక్రాంతి కానుకగా జనవరి 13న ప్రపంచవ్యాప్తంగా ఈ సినిమా ప్రేక్షకుల ముందుకు రానుంది.
ఈ చిత్రానికి సంగీతం: దేవి శ్రీ ప్రసాద్‌, డీవోపీ: ఆర్థర్‌ ఎ విల్సన్‌, ఎడిటర్‌: నిరంజన్‌ దేవరమానే, ప్రొడక్షన్‌ డిజైనర్‌: ఏఎస్‌ ప్రకాష్‌, సహ నిర్మాతలు: జీకే మోహన్‌, ప్రవీణ్‌ ఎం.
