యువ కథానాయకుడు నాని ప్రస్తుతం 'దసరా' చిత్రంలో నటిస్తున్నారు. విలక్షణమైన కథలను ప్రయత్నించే నాని తన మైల్‌ స్టోన్‌ 30వ ప్రాజెక్ట్‌ను ప్రకటించారు. వైర ఎంటర్‌టైన్‌మెంట్స్‌ ప్రొడక్షన్‌ నెం.1గా ఈ సినిమా రూపొందబోతుంది. మోహన్‌ చెరుకూరి (సివిఎం) తన స్నేహితులు డాక్టర్‌ విజయేందర్‌ రెడ్డి తీగల, మూర్తి కెఎస్‌ ..మంచి కంటెంట్‌ సినిమాలు తీయడానికి, బిగ్‌ స్క్రీన్‌పై వారి కథ-కథనంతో వైవిధ్యం చూపాలనే దృక్పథంతో ఈ బ్యానర్‌ను ప్రారంభించారు. వీరి నిర్మాణంలో మల్టీపుల్‌ ప్రాజెక్ట్స్‌ని సెట్‌ చేశారు. తొలి చిత్రంగా నాని 30వ ప్రాజెక్ట్‌ని ప్రతిష్టాత్మకంగా నిర్మిస్తున్నారు. తమకు అవకాశం ఇచ్చిన నానికి కృతజ్ఞతలు తెలిపారు. నూతన సంవత్సరం సందర్భంగా జనవరి 1వ తేదీ సాయంత్రం 4:05 గంటలకు నాని 30వ ప్రాజెక్ట్డ్‌ని ఆవిష్కరించబోతున్నారు.