చిరంజీవి, రవితేజ, దర్శకుడు బాబీ కొల్లి (కెఎస్‌ రవీంద్ర), మైత్రీ మూవీ మేకర్స్‌ కాంబినేషన్‌లో రూపొందుతున్న 'వాల్తేరు వీరయ్య'లోని 4వ పాట శుక్రవారం విడుదలైంది. ప్రేక్షకుల ఎంతగానో ఎదురుచూస్తున్న చిరంజీవి, మాస్‌ రవితేజల 'పూనకాలు లోడింగ్‌' పాట టైటిల్‌కు తగ్గట్టు పాట క్లాస్‌, మాస్‌ ప్రేక్షకులకు పూనకాలను తెప్పించింది. మాస్‌ నంబర్‌లను స్కోర్‌ చేయడంలో మాస్టరైన దేవి శ్రీ ప్రసాద్‌..అందరికీ పూనకాలు తెప్పించేలా ఈ పాటని అవుట్‌ స్టాండింగ్‌గా కంపోజ్‌ చేశారు. రోల్‌ రిడా పూనకాలు తెప్పించే లిరిక్స్‌ అందించడంతో పాటు రామ్‌ మిర్యాలతో కలసి ఫుల్‌ ఎనర్జిటిక్‌గా పాడారు. అలాగే చిరంజీవి, రవితేజ తమ డైనమిక్‌ వాయిస్‌తో 'డోంట్‌ స్టాప్‌ డ్యాన్సింగ్‌.. పూనకాలు లోడింగ్‌' అనడం పూనకాలని రెట్టింపు చేసింది. చిరంజీవి, రవితేజ కలిసి డ్యాన్స్‌ చేయడం కన్నుల పండగలా ఉంది. జాతర సెటప్‌, భారీ జనసమూహం ఈ మాస్‌ నంబర్‌కు అదనపు ఆకర్షణ తెచ్చిపెట్టింది. శేఖర్‌ మాస్టర్‌ కొరియోగ్రఫీ అద్భుతంగా ఉంది అని చిత్ర బృందం తెలిపింది. సంక్రాంతి కానుకగా జనవరి 13 ప్రపంచవ్యాప్తంగా ఈ సినిమా గ్రాండ్‌గా ప్రేక్షకుల ముందుకు రానుంది.
