ప్రముఖ నిర్మాణ సంస్థ మైత్రీ మూవీ మేకర్స్‌ పతాకంపై నిర్మాతలు నవీన్‌ యెర్నేని, వై రవిశంకర్‌ ప్రతిష్టాత్మకంగా నిర్మిస్తున్న చిరంజీవి- బాబీ కొల్లి కాంబినేషన్‌లో 'వాల్తేరు వీరయ్య', బాలకృష్ణ -గోపీచంద్‌ మలినేని కాంబినేషన్‌లో 'వీరసింహారెడ్డి'. ఈ చిత్రాలు సంక్రాంతి కానుకగా ప్రపంచవ్యాప్తంగా గ్రాండ్‌గా విడుదల కానున్నాయి.
ప్రేక్షకులు ఎంతగానో ఎదురుచూస్తున్న 'వాల్తేరు వీరయ్య' జనవరి 13న రిలీజ్‌ అవుతుండగా, 'వీరసింహారెడ్డి' జనవరి 12న ప్రేక్షకుల ముందుకు వస్తోంది. భారీ మాస్‌ యాక్షన్‌ ఎంటర్‌టైనర్స్‌గా రూపొందిన ఈ రెండు చిత్రాలకు రామ్‌ లక్ష్మణ్‌ మాస్టర్స్‌ యాక్షన్‌ కొరియోగ్రఫీ అందించారు.
ఈ సందర్భంగా విలేఖరుల సమావేశంలో ఈ రెండు చిత్రాల విశేషాలను షేర్‌ చేసుకున్నారు.
'క్యారెక్టరైజేషన్‌, బాడీ లాంగ్వేజ్‌ ప్రకారం కూడా యాక్షన్‌ డిజైన్‌ చేయాలి. 'వీరసింహారెడ్డి'లో బాలయ్య బాబు చైర్‌లో కూర్చుని ఉంటారు. ఎదురుగా రౌడీలు వస్తుంటారు. బాలయ్య క్యారెక్టరైజేషన్‌ ప్రకారం.. ఈ రౌడీలని కూడా నిల్చునికొట్టాలా? అనే ఆలోచన వచ్చింది. దీంతో ఆయన చైర్‌లో కూర్చునే ఒక పవర్‌ ఫుల్‌ ఫైట్‌ని కంపోజ్‌ చేశాం. చైర్‌లో కూర్చునే ఫైట్‌ చేయొచ్చు అనే మూడ్‌ చాలా అద్భుతంగా క్రియేట్‌ అయ్యింది. అది బాలయ్య క్యారెక్టరైజేషన్‌లో ఉన్న మ్యాజిక్‌. అలాగే చిరంజీవిగారి 'వాల్తేరు వీరయ్య'లో ఇంటర్వెల్‌ సీక్వెన్స్‌ చేశాం. లుంగీ కట్టుకొని, శ్రీకాకుళం యాస మాట్లాడుతూ అందరితో సరదాగా కలిసిపోయే చిరంజీవి ఇంటర్వెల్‌లో సడన్‌గా రెండు గన్స్‌ పట్టుకొని స్టయిలీష్‌గా కనిపిస్తారు. ఈ యాక్షన్‌ సీక్వెన్స్‌ అద్భుతంగా వచ్చింది. అలాగే చిరంజీవి, శ్రుతి హాసన్‌ మధ్య ఒక సరదా ఫైట్‌ కూడా కంపోజ్‌ చేశాం. దీన్ని ప్రేక్షకులు బాగా ఎంజారు చేస్తారు. అలాగే 'వీరసింహా రెడ్డి' ఇంటర్వెల్‌ ఫైట్‌ టర్కీలో చేశాం. అక్కడ భారీగా ఖర్చు అయ్యింది. అయితే ఫైట్‌ మాత్రం చాలా పవర్‌ ఫుల్‌గా ఉంటుంది. చిరంజీవి 'వాల్తేరు వీరయ్య', బాలకష్ణ 'వీరసింహారెడ్డి' సినిమాలు సంక్రాం తి వస్తున్నాయి. ఇద్దరి ఫ్యాన్స్‌లో భారీ అంచనాలు ఉంటాయి. అభిమానులు అంచ నాలు అందుకునే విధంగా రెండు సినిమాల్లో భిన్నమైన కథలు. దర్శకులు బాబీ, గోపీ చంద్‌ మలినేని రెండు భిన్నమైన క్యారెక్టరైజేషన్స్‌, బాడీ లాంగ్వేజ్‌ రాసుకున్నారు.
రెండు డిఫరెంట్‌గా ఉండటం వలన క్యారెక్టరైజేషన్‌, బాడీ లాంగ్వేజ్‌ తగ్గట్టు యాక్షన్‌ కంపోజ్‌ చేశాం. బాలకృష్ణ 'వీరసింహారెడ్డి'లో ఎమోషనల్‌ ఇంటర్వెల్‌ బ్యాంగ్‌ చూస్తే ప్రతి ఒక్కరూ కంటతడి పెట్టాల్సిందే. మేము స్పాట్‌లోనే కన్నీళ్లు పెట్టుకున్నాం. అలాగే 'వాల్తేరు వీరయ్య'లో అన్నయ్య, రవితేజ మధ్య ఒక ఎమోషనల్‌ డ్రామా ఉంటుంది. అన్నయ్య చిరు అద్భుతంగా చేశారు. ఇదీ కన్నీళ్లు తెప్పిస్తుంది' అని తెలిపారు.
