శివరాజ్‌ కుమార్‌ పాన్‌ ఇండియా లెవెల్‌లో నటిస్తున్న హై ఓల్టేజ్‌ యాక్షన్‌ థ్రిల్లర్‌ 'ఘోస్ట్‌'. కన్నడ 'బీర్బల్‌' వంటి బ్లాక్‌ బస్టర్‌ చిత్రాలు రూపొందించి తనకంటూ ప్రత్యేకమైన స్థానం సంపాదించుకున్న దర్శకుడు శ్రీని ఈ చిత్రానికి దర్శకుడు. ప్రముఖ రాజకీయనాయకుడు, నిర్మాత సందేశ్‌ నాగరాజ్‌ తన సందేశ్‌ ప్రొడక్షన్స్‌ బ్యానర్‌ పై ఈ చిత్రాన్ని ప్రతిష్టాత్మకంగా నిర్మిస్తున్నారు. న్యూ ఇయర్‌ సందర్భంగా టీం అద్భుతంగా డిజైన్‌ చేసిన రెట్రో మోషన్‌ పోస్టర్‌తో నూతన సంవత్సర శుభాకాంక్షలు తెలిపారు.
ఈ మోషన్‌ పోస్టర్‌ను ఎంతో కేర్‌ తీసుకుని డిజైన్‌ చేశారు. చిత్రానికి సంబంధించిన కీలక అంశాలు అన్నీ కలగలిపి థీమ్‌కి తగ్గట్లు ఆసక్తి రేపేలా పోస్టర్‌ ఉంది. కార్‌ స్పీడో మీటర్‌తో మొదలై, ఎగిరే బుల్లెట్లు, గన్‌ ఫైర్‌ అవగానే కార్‌ దూసుకు రావడం, వీటికి తోడు అర్జున్ జన్య అందించిన పవర్‌ఫుల్‌ బ్యాక్‌ గ్రౌండ్‌ స్కోర్‌ చివరగా శివన్న వింటేజ్‌ లుక్‌ మోషన్‌ పోస్టర్‌ను మరో స్థాయికి తీసుకెళ్ళాయి. ఈ లుక్‌ ఈ చిత్రంలో కీలకమైన ఫ్లాష్‌ బ్యాక్‌లో రానుంది. యాక్షన్‌ థ్రిల్లర్‌గా తెరెక్కుతున్న ఈ సినిమా సెకండ్‌ షెడ్యూల్‌ ఇటీవలే మైసూర్‌లో పూర్తి చేసుకుంది. ఈ షెడ్యుల్‌లో శివరాజ్‌ కుమార్‌, జయరామ్‌, ప్రశాంత్‌ నారాయణన్‌ మీద భారీగా నిర్మించిన ప్రిజన్‌ ఇంటీరియర్‌ సెట్‌లో కీలక సన్నివేశాలు చిత్రీకరించారు. మూడో షెడ్యూల్‌ ఫిబ్రవరి మొదటి వారంలో బెంగళూరులో వేసిన మరో భారీ సెట్‌లో ప్రారంభమవు తుంది. ఈ షెడ్యుల్‌లో ఇంట్రడక్షన్‌, క్లైమాక్స్‌ సన్నివేశాలు షూట్‌ చేస్తారు. 'హై ఓల్టేజ్‌ యాక్షన్‌ థ్రిల్లర్‌గా ఈ సినిమా ఇప్పటికే అందరిలోనూ భారీ అంచనాలను పెంచింది. ఈ అంచనాలను న్యూయర్‌ కానుకగా విడుదలైన స్పెషల్‌ పోస్టర్‌ మరింతగా పెంచింది' అని మేకర్స్‌ తెలిపారు.
ప్రముఖ మలయాళ నటుడు జయరామ్‌ ఇందులో కీలక పాత్ర పోషిస్తుండగా, ప్రశాంత్‌ నారాయణ్‌, అచ్యుత్‌ కుమార్‌, దత్తన్న, అవినాష్‌ ఇతర ప్రధాన పాత్రల్లో కనిపిస్తారు.
ఈ చిత్రానికి కెమెరా మాన్‌ : మహేంద్ర సింహ, సంగీతం : అర్జున్ జన్య, ఆర్ట్‌ : శివ కుమార్‌ (కె జి ఎఫ్‌), డైలాగ్స్‌: మస్తీ, ప్రసన్న వి.ఎం.
