యువ కథానాయకుడు నాని తన 30వ సినిమా కోసం వైర ఎంటర్‌టైన్‌మెంట్స్‌తో కొలాబరేట్‌ అవుతున్నారు. వైర ఎంటర్‌టైన్‌మెంట్స్‌ ప్రొడక్షన్‌ నెం 1గా రూపొందునున్న ఈ చిత్రాన్ని రెండు రోజుల క్రితం అధికారికంగా ప్రకటించారు. నిర్మాతలు మోహన్‌ చెరుకూరి, డాక్టర్‌ విజయేందర్‌ రెడ్డి తీగల, మూర్తి కెఎస్‌ ఈ చిత్రాన్ని గ్రాండ్‌గా నిర్మించనున్నారు.
న్యూ ఇయర్‌ సందర్భంగా మేకర్స్‌ నాని 30 వరల్డ్‌ని ఆవిష్కరిస్తూ ఒక వీడియోను విడుదల చేశారు.
నాని ఒక భవనం పైన కూర్చుని ఫోటోలు క్లిక్‌ చేస్తూ తన తదుపరి ప్రాజెక్ట్‌ గురించి తన ఆన్‌-స్క్రీన్‌ కుమార్తెతో చర్చిస్తున్నట్లు ఈ స్పెషల్‌ వీడియో చూపిస్తుంది.డిఫరెంట్‌ కాన్సెప్ట్‌తో కూడిన ఎమోషనల్‌ ఫ్యామిలీ ఎంటర్‌టైనర్‌గా ఈ సినిమా ఉంటుందని, తండ్రీకూతుళ్ల బాండింగ్‌ యూఎస్‌పీగా ఉండబోతోందని ఈ స్పెషల్‌ వీడియో చూస్తే అర్ధమౌతోంది. ఈ గ్లింప్స్‌ దర్శకుడితో సహా చిత్రానికి సంబంధించిన ప్రధాన సాంకేతిక నిపుణులను ప్రకటించారు. నూతన దర్శకుడు శౌర్యువ్‌ తొలిసారిగా మెగాఫోన్‌ను పట్టుకుని, చిన్న వీడియోతో భావోద్వేగానికి గురిచేశాడు.
'సీతారామం' సినిమాతో తెలుగు తెరకు పరిచయమైన మృణాల్‌ ఠాకూర్‌ ఈ చిత్రంలో కథానాయికగా నటిస్తుంది. సాను జాన్‌ వర్గీస్‌ డీవోపీగా పని చేస్తున్నారు. 'జెర్సీ, శ్యామ్‌ సింగరారు' తర్వాత నానితో ఇది ఆయనకి మూడవ చిత్రం. 'హృదయం' ఫేమ్‌ ప్రముఖ మలయాళ కంపోజర్‌ హేషమ్‌ అబ్దుల్‌ వహాబ్‌ సంగీతాన్ని అందించారు. ప్రవీణ్‌ ఆంథోని ఎడిటర్‌గా, జోతిష్‌ శంకర్‌ ప్రొడక్షన్‌ డిజైనర్‌గా, సతీష్‌ ఈవీవీ ఎగ్జిక్యూటివ్‌ ప్రొడ్యూసర్‌గా, క్రియేటివ్‌ ప్రొడ్యూసర్‌గా భాను ధీరజ్‌ రాయుడు పని చేస్తున్నారు.