చిరంజీవి, దర్శకుడు బాబీ కొల్లి (కెఎస్‌ రవీంద్ర) కాంబినేషన్‌లో తెరకెక్కుతున్న చిత్రం 'వాల్తేరు వీరయ్య'. అభిమానులకు, ప్రేక్షకులకు థియేటర్లలో పూనకాలు తెప్పించడానికి ఈ సినిమా సిద్ధంగా ఉంది. చిరంజీవి, రవితేజ పాత్రల ఇంట్రడక్షన్‌ గ్లింప్సెస్‌తో పాటు, ఇద్దరూ కలసి అలరించిన 'పూనకాలు లోడింగ్‌' పాటకు ట్రెమండస్‌ రెస్పాన్స్‌ వచ్చింది. ఇక ఆల్బమ్‌లోని 'బాస్‌ పార్టీ, నువ్వు శ్రీదేవి నేను చిరంజీవి, వాల్తేరు వీరయ్య టైటిల్‌ ట్రాక'్‌ బిగ్గెస్ట్‌ బ్లాక్‌ బస్టర్‌ హిట్స్‌గా నిలిచాయి. ప్రేక్షకులు ఎంతగానో ఎదురుచూస్తున్న 'వాల్తేరు వీరయ్య' తాజాగా సెన్సార్‌ కార్యక్రమాల్ని పూర్తి చేసుకుంది. సెన్సార్‌ బోర్డ్‌ ఈ చిత్రానికి యు/ఎ సర్టిఫికేట్‌ ఇచ్చింది.
పాటలు, ఎంటర్‌టైన్‌మెంట్‌, యాక్షన్‌ సీక్వెన్స్‌, ఎమోషన్స్‌ అద్భుతంగా ఉన్నాయని, చిరంజీవి, రవితేజలని కలసి తెరపై చూడటం పండగలా ఉందని సెన్సార్‌ బోర్డ్‌ సభ్యులు ఈ చిత్ర యూనిట్‌ని అభినందించారు అని మేకర్స్‌ తెలిపారు.
చిరంజీవి సరసన శృతిహాసన్‌ కథానాయికగా నటిస్తున్న ఈ చిత్రాన్ని మైత్రీ మూవీ మేకర్స్‌ బ్యానర్‌ పై నవీన్‌ యెర్నేని, వై రవిశంకర్‌ భారీ స్థాయిలో నిర్మిస్తున్నారు. జికె మోహన్‌ సహ నిర్మాత. ఆర్థర్‌ ఎ విల్సన్‌ కెమెరామెన్‌గా, నిరంజన్‌ దేవరమానె ఎడిటర్‌గా, ఎఎస్‌ ప్రకాష్‌ ప్రొడక్షన్‌ డిజైనర్‌గా పని చేస్తున్న ఈ చిత్రానికి సుష్మిత కొణిదెల కాస్ట్యూమ్‌ డిజైనర్‌.
ఈ చిత్రానికి బాబీ కథ, మాటలు రాయగా, కోన వెంకట్‌, కె చక్రవర్తి రెడ్డి స్క్రీన్‌ప్లే అందిస్తున్నారు.
