గీతాన్స్‌ ప్రొడక్షన్స్‌, సెహెరి స్టూడియో, ఎమ్జీఆర్‌ ఫిలిమ్స్‌ బ్యానర్స్‌ సంయుక్తంగా నిర్మిస్తున్న చిత్రం 'లవ్‌ రెడ్డి'. అంజన్‌ రామచంద్ర, శ్రావణి రెడ్డి హీరో, హీరోయిన్లుగా నటిస్తున్న ఈ చిత్రం షూటింగ్‌ పూర్తి చేసుకుంది. ఆంధ్ర, కర్ణాటక బోర్డర్‌లో జరిగే స్వచ్ఛమైన ప్రేమకథగా తెరకెక్కుతున్న ఈ సినిమాతో స్మరన్‌ రెడ్డి దర్శకుడిగా పరిచయం కాబోతున్నారు. హేమలత రెడ్డి, మదన్‌ గోపాల్‌ రెడ్డి, ప్రభంజనం రెడ్డి, నాగరాజు బీరప్ప ఈ చిత్రాన్ని నిర్మిస్తున్నారు.
ఈ చిత్ర గ్లింప్స్‌ను దర్శకుడు ప్రశాంత్‌ వర్మ విడుదల చేశారు.ఈ సందర్భంగా ఆయన మాట్లాడుతూ,'ఈ చిత్ర గ్లింప్స్‌ చాలా ఫ్రెష్‌గా ఉంది. ఈ గ్లిమ్స్‌ చూస్తుంటే, నాకు కూడా ఒక లవ్‌ స్టొరీ చేయాలని అనిపిస్తుంది. యంగ్‌ టీమ్‌ చేసున్న ఈ సినిమా పెద్ద విజయం సాధించాలి' అని చెప్పారు.
'అన్ని సెక్షన్‌ ఆఫ్‌ ఆడియన్స్‌కు కనెక్ట్‌ అయ్యే విధంగా ఈ సినిమా ఉంటుంది. త్వరలో టీజర్‌, ట్రైలర్‌ విడుదల చేస్తాం. మా సినిమాకు సపోర్ట్‌ చేసున్న నిర్మాతలకు, ఇతర టెక్నీషియన్స్‌కు ముఖ్యంగా హీరో అంజన్‌ రామచంద్రకు కృతజ్ఞతలు' అని డైరెక్టర్‌ స్మరన్‌ అన్నారు. హీరో అంజన్‌ రామచంద్ర మాట్లాడుతూ,'ఈ చిత్ర టైటిల్‌ లోగోను బాలకృష్ణ లాంచ్‌ చేశారు. ఇప్పుడు గ్లింప్స్‌ను ప్రశాంత్‌ వర్మ విడుదల చేయడం సంతోషంగా ఉంది. సినిమా చాలా బాగా వచ్చింది. దర్శకుడు స్మరన్‌ కథను నడిపిన విధానం బాగుంది. ఒక మంచి సినిమాతో ప్రేక్షకుల ముందుకు వస్తున్నందుకు సంతోషంగా ఉంది' అని తెలిపారు.ఈ చిత్రానికి సహ నిర్మాతలు: హేమలత రెడ్డి, నాగరాజు బీరప్ప, నవీన్‌ రెడ్డి, సుష్మిత రెడ్డి, హరీష్‌, బాబు, రవికిరణ్‌, జకరియా, ఎగ్జిక్యూటివ్‌ ప్రొడ్యూసర్‌: రవీంద్ర రెడ్డి, సంగీతం: ప్రిన్స్‌ హేన్రి, ఎడిటింగ్‌: కోటగిరి వెంకటేశ్వరరావు.
