పురుషోత్తం రాజ్‌ని దర్శకుడిగా పరిచయం చేస్తూ స్నేహల్‌ జంగాల, శశిధర్‌ కాశి, కార్తీక్‌ ముడుంబై సంయుక్తంగా మిలియన్‌ డ్రీమ్స్‌ క్రియేషన్స్‌, విజయ సరాగ ప్రొడక్షన్స్‌ బ్యానర్స్‌ పై నిర్మించిన చిత్రం 'భూతద్ధం భాస్కర్‌ నారాయణ'. శివ కందుకూరి, రాశి సింగ్‌ హీరో, హీరోయిన్లుగా నటిస్తున్నారు.
రీసెంట్‌గా ఈ చిత్రానికి సంబంధించిన మోషన్‌ పోస్టర్‌ విడుదల చేశారు. ఓం నమశ్శివాయ అనే అద్భుతమైన బ్యాక్‌గ్రౌండ్‌ మ్యూజిక్‌తో స్టార్ట్‌ అయిన ఈ మోషన్‌ పోస్టర్‌ ఆసక్తిని రేకెత్తిస్తోంది. ఒక కుర్చీలో ఒక స్త్రీని కట్టివేయడం, ఆమెకు తల లేకుండా కేవలం మొండెం మాత్రమే చూపించడం ఈ సినిమాపై అందర్నీ ఎటెన్షన్‌ని రాబట్టింది. ఈ సినిమా షూటింగ్‌ పూర్తిచేసుకుని, ప్రస్తుతం ఎడిటింగ్‌ పనులను జరుపుకుంటుంది. ఈ చిత్రానికి సంబంధించిన టీజర్‌, ట్రైలర్‌, సాంగ్స్‌ విడుదల చేయడానికి చిత్ర బృందం సన్నాహాలు చేస్తోంది.
అరుణ్‌, దేవీప్రసాద్‌, వర్షిణి, శివకుమార్‌, షఫీ, శివన్నారాయణ, కల్పలత, రూపలక్ష్మి, అంబటి శ్రీను, చైతన్య, వెంకటేశ్‌ కాకుమాను, ప్రణవి, దివిజ, ప్రభాకర్‌, కమల్‌, గురురాజ్‌ తదితరులు నటిస్తున్న ఈ చిత్రానికి రచన-దర్శకత్వం: పురుషోత్తం రాజ్‌, నిర్మాతలు: స్నేహల్‌ జంగాల, శశిధర్‌ కాశి, కార్తీక్‌ ముడుంబై, సంగీతం: శ్రీచరణ్‌ పాకాల, విజయ్‌ బుల్గానిన్‌, డైరెక్టర్‌ ఆఫ్‌ ఫొటోగ్రఫీ: గౌతమ్‌ జి, ఎడిటర్‌: గ్యారీ బిహెచ్‌, ప్రొడక్షన్‌ డిజైనర్‌: రోషన్‌ కుమార్‌, స్టంట్స్‌: అంజిబాబు.
