'వారసుడు' చిత్రాన్ని ఈ నెల 14న విడుదల చేస్తున్నాం. మన తెలుగు బిగ్గర్‌ స్టార్స్‌ చిరంజీవి గారి వాల్తేరు వీరయ్య, బాలకృష్ణ గారి వీరసింహారెడ్డి సినిమాలు సంక్రాంతికి గ్రాండ్‌గా విడుదల కావాలనే ఈ నిర్ణయం తీసుకున్నాం. 'వారసుడు' కంప్లీట్‌ ఫ్యామిలీ ఎంటర్‌ టైనర్‌. తెలుగులో పెద్ద విజయం సాధిస్తుందని నిర్మాత దిల్‌ రాజు చెప్పారు.
దళపతి విజయ్, సక్సెస్‌ ఫుల్‌ డైరెక్టర్‌ వంశీ పైడిపల్లిల భారీ అంచనాల చిత్రం వారసుడు/వారిసు తెలుగు, తమిళంలో సంక్రాంతి కానుకగా గ్రాండ్‌ రిలీజ్‌ అవుతుంది. విజరు సరసన నేషనల్‌ క్రష్‌ రష్మిక మందన్న కథానాయికగా నటించిన ఈ చిత్రాన్ని శ్రీ వేంకటేశ్వర క్రియేషన్స్‌, పివిపి సినిమా పతాకాలపై ప్రముఖ నిర్మాతలు దిల్‌ రాజు, శిరీష్‌, పరమ్‌ వి పొట్లూరి, పెరల్‌ వి పొట్లూరి ప్రతిష్టాత్మకంగా నిర్మిస్తున్నారు.
మీడియా సమావేశంలో నిర్మాత దిల్‌ రాజు మాట్లాడుతూ.. సంక్రాంతి వారసుడిగా ఈ చిత్రం 14న విడుదల చేస్తున్నామనీ, తమిళంలో ప్రపంచవ్యాప్తంగా జనవరి 11న విదుదలవుతున్నదని చెప్పారు. ప్రతి థియేటర్‌ లో ముందు మన తెలుగు బిగ్గర్‌ స్టార్స్‌ సినిమాలు పడాలి. అన్నిచోట్ల వారికి థియేటర్లు దొరకాలి. తర్వాతే నా సినిమా ఉండాలనే ఉద్దేశంతోనే ఈ నిర్ణయం తీసుకున్నాను. సంక్రాంతి సినిమాలకు మా వారసుడు పోటీ కాదని మొదటి నుండి చెబుతున్నాను. మాది కంప్లీట్‌ ఫ్యామిలీ ఎంటర్‌ టైనర్‌. ప్రేక్షకులకు సంక్రాంతి వారసుడు చేయాలనేదే నా ప్రయత్నం. బాలకృష్ణ గారి చిరంజీవి గారి సినిమాలు రెండు తెలుగు రాష్ట్రాలలో పెద్ద రిలీజ్‌ కావాలి. తర్వాత నా సినిమా రావాలని పాజిటివ్‌ గానే ఈ నిర్ణయం తీసుకున్నాను. ఈ నిర్ణయం పట్ల ఇండిస్టీ పెద్దలు చాలా ఆనందం వ్యక్తం చేశారు. అందరం బావుండాలనే నేను ఎప్పుడూ ఆలోచిస్తుంటానన్నారు.
శ్రీకాంత్‌ మాట్లాడుతూ.. వారసుడు యునివర్సల్‌ సినిమా. ఫ్యామిలీ ఎమోషన్స్‌ అందరికీ కనెక్ట్‌ అవుతాయి. మన తెలుగు స్టార్స్‌కి గౌరవం ఇస్తూ.. ఇన్ని కోట్లు ఖర్చు చేసి తీసిన సినిమాని 14కు వాయిదా వేయడం నిజంగా గ్రేట్‌. దిల్‌ రాజు గారికి హ్యాట్సప్‌. ఇంత సాహసం ఏ నిర్మాత చేయరు. వారసుడు నా తొలి తమిళ సినిమా. అలాగే దిల్‌ రాజు గారి బ్యానర్‌ లో చేయడం కూడా ఇదే ఫస్ట్‌ టైం. ఈ సినిమా గురించి చెప్పాలంటే విజయ్, వంశీ పైడిపల్లి, దిల్‌ రాజు గారి గురించి చెప్పాలి. విజయ్ తో సినిమా చేయడం చాలా ఆనందాన్నిచ్చింది. ఒక మంచి ఫ్యామిలీ సబ్జెక్ట్‌ చేసి చాలా కాలమైయింది. ఈ సినిమా చేయడం చాలా ఆనందంగా వుంది. ఇది తెలుగు సినిమాలానే ఫీలౌతాము. వారసుడు సంక్రాంతికి లేటుగా వచ్చిన లేటెస్ట్‌ గా వస్తుందని నమ్ముతున్నాను. వారసుడు సూపర్‌ డూపర్‌ హిట్‌ అవుతుంది.'' అన్నారు.
