చిరంజీవి కథానాయకుడిగా, మెహర్‌ రమేష్‌ దర్శకత్వంలో తెరకెక్కుతున్న యాక్షన్‌ ఎంటర్‌టైనర్‌ 'భోలా శంకర్‌' షూటింగ్‌ మంగళవారం హైదరాబాద్‌లో పునఃప్రారంభమైంది. రామబ్రహ్మం సుంకర భారీ స్థాయిలో నిర్మిస్తున్న ఈ సినిమా కొత్త షెడ్యూల్‌ను భారీ కోల్‌కతా సెట్‌లో మేకర్స్‌ ఆరంభించారు.
'వాల్తేరు వీరయ్య'తో చిరంజీవి భారీ బ్లాక్‌ బస్టర్‌ సాధించడంతో 'భోళా శంకర్‌'పై భారీ అంచనాలు నెలకొన్నాయి. చిరంజీవిని స్టైలిష్‌, మాస్‌ క్యారెక్టర్‌లో దర్శకుడు మెహర్‌ రమేష్‌ ప్రెజెంట్‌ చేస్తున్నారు. ఈ చిత్రంలో చిరంజీవి సోదరిగా కీర్తి సురేష్‌ నటిస్తుండగా, తమన్నా కథానాయికగా కనిపించనుంది.
రఘుబాబు, రావు రమేష్‌, మురళీ శర్మ, రవిశంకర్‌, వెన్నెల కిషోర్‌, తులసి, ప్రగతి, శ్రీ ముఖి, బిత్తిరి సత్తి, సత్య, గెటప్‌ శ్రీను, రష్మీ గౌతమ్‌, ఉత్తేజ్‌, ప్రభాస్‌ శీను తదితరులు నటిస్తున్న ఈ చిత్రానికి స్క్రీన్‌ ప్లే, దర్శకత్వం: మెహర్‌ రమేష్‌, నిర్మాత: రామబ్రహ్మం సుంకర, ఎగ్జిక్యూటివ్‌ ప్రొడ్యూసర్‌: కిషోర్‌ గరికిపాటి, సంగీతం: మహతి స్వర సాగర్‌, డీవోపీ: డడ్లీ, ఎడిటర్‌: మార్తాండ్‌ కె వెంకటేష్‌, ప్రొడక్షన్‌ డిజైనర్‌: ఏఎస్‌ ప్రకాష్‌, కథా పర్యవేక్షణ: సత్యానంద్‌, డైలాగ్స్‌: తిరుపతి మామిడాల, ఫైట్‌ మాస్టర్స్‌: రామ్‌-లక్ష్మణ్‌, దిలీప్‌ సుబ్బరాయన్‌, కాచే కంపాక్డీ, కొరియోగ్రఫీ: శేఖర్‌ మాస్టర్‌, లిరిక్స్‌: రామజోగయ్య శాస్త్రి, కాసర్ల శ్యామ్‌, శ్రీమణి, సిరాశ్రీ.
