'పలాస 1978' లాంటి పీరియడ్‌ యాక్షన్‌ థ్రిల్లర్‌తో అఖండ విజయం సాధించడమే కాకుండా పలువురు చిత్ర ప్రముఖులు, విమర్శకుల ప్రశంసలు అందుకున్నారు హీరో అట్లూరి రక్షిత్‌. ఆయన హీరోగా నటిస్తున్న న్యూ ఏజ్‌ సస్పెన్స్‌ థ్రిల్లర్‌ 'ఆపరేషన్‌ రావణ్‌'. సంగీర్తన విపిన్‌ హీరోయిన్‌గా నటించారు. ఈ చిత్రంలో రాధికా శరత్‌ కుమార్‌, చరణ్‌ రాజ్‌, తమిళ నటుడు విద్యా సాగర్‌ ప్రముఖ పాత్రలు పోషించారు. ఈ చిత్రంతో వెంకట సత్య దర్శకుడిగా పరిచయమవుతున్నారు.
'నీ ఆలోచనలే నీ శత్రువులు' అనే కాప్షన్‌తో రక్షిత్‌ ఉన్న ఈ ఫస్ట్‌ లుక్‌ పోస్టర్‌ని మేఘా అండ్‌ ఒమేఘా విద్యా సంస్థల వైస్‌ చైర్‌ పర్సన్‌ మాలతి రెడ్డి లాంచ్‌ చేశారు. ధ్యాన్‌ అట్లూరి నిర్మాణంలో షూటింగ్‌ పూర్తి చేసుకున్న ఈ సినిమా ప్రస్తుతం నిర్మాణంతర కార్యక్రమాలలో నిమగమై ఉంది. విడుదలైన ఫస్ట్‌లుక్‌ పోస్టర్‌ ఈ సినిమాపై ఆసక్తితోపాటు భారీ అంచనాలను పెంచిందని చిత్ర బృందం తెలిపింది.
కాంచి, రాకెట్‌ రాఘవ, రఘు కుంచె, కెఎ పాల్‌ రాము, విద్యా సాగర్‌, టీవీ5 మూర్తి, కార్తీక్‌ తదితరులు నటిస్తున్న ఈ చిత్రానికి సంగీతం: శరవణ వాసుదేవన్‌, డైలాగ్స్‌: లక్ష్మీ లోహిత్‌ పూజారి, ఎడిటర్‌: సత్య గిద్దుటూరి, ఆర్ట్‌: నాని.టి, ఫైట్స్‌: స్టంట్‌ జాషువా, కొరియోగ్రఫీ: జేడి, ఛాయాగ్రహణం: నాని చమిడిశెట్టి, ఎగ్జిక్యూటివ్‌ ప్రొడ్యూసర్‌: శ్రీపాల్‌ చొళ్లేటి.
