ఇండియాలోనే వన్‌ ఆఫ్‌ ది బెస్ట్‌ ఓటీటీల్లో ఒకటైన జీ 5లో ఈనెల 24న 'పులి మేక' ఒరిజినల్‌ సిరీస్‌ స్ట్రీమింగ్‌ కానుంది. ఈ ఒరిజినల్‌ కోసం జీ 5 కోన ఫిల్మ్ కార్పొరేషన్‌తో జాయిన్‌ అయ్యింది. లావణ్య త్రిపాఠి, ఆది సాయి కుమార్‌, సిరి హన్మంత్‌ ప్రధాన పాత్రల్లో నటిస్తున్నారు. సోమవారం ఈ ఒరిజినల్‌ ట్రైలర్‌ను డైరెక్టర్‌ బాబీ, హీరో సిద్ధు జొన్నలగడ్డ రిలీజ్‌ చేశారు.
''చావు చెప్పిరాదు, వచ్చినప్పుడు తప్పించుకోవడం సాధ్యం కాదు అంటూ మొదలవుతుంది పులిమేక ట్రైలర్‌. ఆ మర్డర్‌ చేసింది, ఈ మర్డర్‌ చేసింది ఒక్కరే సార్‌ అని చెబుతూ ప్రభాకర్‌ శర్మ క్యారెక్టర్‌లో పరిచయమవుతారు ఆది. పోలీస్‌ అఫిషియల్‌గా కనిపిస్తారు సుమన్‌. ఆయన మాటలను బట్టి ఒక సైకో పోలీస్‌ డిపార్ట్‌మెంట్‌ని టార్గెట్‌ చేశాడని అర్థమవుతుంది. ఈ కేసును డీల్‌ చేయడం కోసం అపాయింట్‌ అవుతుంది ఐపీఎస్‌ ఆఫీసర్‌ కిరణ్‌ ప్రభ క్యారెక్టర్‌లో లావణ్య. సీరియస్‌ లుక్స్‌లో, ఖాకీ యూనిఫార్మ్‌కి గట్టిగా న్యాయం చేశారు ఆమె. ఈ ఛేజింగ్‌లో ఆమెకు సాయం చేస్తాడు ప్రభ. ఈ కథలో పులి ఎవరో తెలియాలి అంటూ జరిగే ఇన్వెస్టిగేషన్‌ ఆడియన్స్‌ని ఎంగేజ్‌ చేస్తుంది. జంతువులాంటి మనిషి కోసం కిరణ్‌ ప్రభ అండ్‌ ప్రభాకర్‌ టీమ్‌ చేసే ప్రయత్నం ఫలించిందా?, లాక్‌డౌన్‌లో ప్రభాకర్‌ చూసిన సీరీస్‌ల వల్ల కేసుకు ఏమైనా హెల్ప్‌ జరిగిందా?' వంటి వివరాలు మరింత ఆసక్తిని క్రియేట్‌ చేస్తున్నాయి. నైట్‌ ఎఫెక్ట్‌లో కనిపించే దృశ్యాలు, ఎంగేజింగ్‌గా అనిపించిన రీరికార్డింగ్‌ ఈ సీరీస్‌కి హైలైట్‌. కోన వెంకట్‌, వెంకటేష్‌ కిళారు కథ, చక్రవర్తి రెడ్డి డైరక్షన్‌, రమేష్‌ కె మహేష్‌ కెమెరా, ప్రవీణ్‌ లక్కరాజు సంగీతం సీరీస్‌కి హైలైట్‌ అవుతాయి.
