ఆండ్రియా జెరెమియా ఇప్పటివరకు ఫ్యామిలీ, లవ్‌, కామెడీ చిత్రాల్లో నటించింది. అయితే ఈసారి యాక్షన్‌ హీరోయిన్‌గా కనిపించనుంది. అటవీ నేపథ్యంలో రూపుదిద్దుకున్న 'నో ఎంట్రీ' చిత్రంలో ఆమె సరికొత్త పాత్రలో నటిస్తోంది. ఈ మూవీలో ఆమె ఎంతో సాహసంతో ఉన్న యాక్షన్‌ థ్రిల్లర్‌ పాత్ర చేస్తోంది. ఇప్పటికే విడుదలైన ఫస్ట్‌లుక్‌ పోస్టర్స్‌కి మంచి రెస్పాన్స్‌ వచ్చింది. తాజాగా ఈ చిత్ర ట్రైలర్‌ని మేకర్స్‌ రిలీజ్‌ చేశారు.
'దట్టమైన అటవీ ప్రాంతానికి విహారయాత్రకు వెళ్ళిన కొంత మంది స్నేహితులు అడవిలోని కొండ శిఖరంలో ఉన్న లగ్జరీ విల్లాలో బస చేస్తారు. ఆ ఇంటిని క్రూరమైన అడవి కుక్కలు చుట్టుముడతాయి. ఆ కుక్కల భారీనుండి వారు ఏ విధంగా తప్పించుకున్నారన్నదే' ఈ చిత్ర కథగా తెలుస్తోంది ఎంతో థ్రిల్లింగ్‌గా, రోమాలు నిక్కబొడుచుకునేలా ఇందులోని సన్నివేశాలను తెరకెక్కించినట్టు దర్శకుడు ఆర్‌.అళగు కార్తీక్‌ వెల్లడించారు. జంబో సినిమాస్‌ బ్యానరులో శ్రీధర్‌ అరుణాచలం ఈ చిత్రాన్ని నిర్మించారు. అదవ్‌ కణ్ణదాసన్‌, రన్యరావ్‌, మానస్‌, జయశ్రీ, జాన్‌వీ ఇతర కీలకపాత్రల్లో నటించారు. త్వరలోనే ఈ చిత్రం తెలుగు, తమిళ భాషలలో విడుదల కానుంది.
