కె.ఎస్‌.ఫిల్మ్‌ వర్క్స్‌ బ్యానర్‌ పై తెరకెక్కుతున్న చిత్రం 'రిచి గాడి పెళ్లి'. ఈ చిత్రం ఇటీవలే చిత్రీకరణ పూర్తి చేసుకుని విడుదలకు సిద్ధంగా ఉంది. నవీన్‌ నేని, ప్రణీత పట్నాయక్‌ ప్రధాన తారాగణంగా కెఎస్‌ హేమరాజ్‌ ఈ చిత్రానికి దర్శకత్వం వహించారు. తాజాగా ఈ చిత్ర ట్రైలర్‌ను హరీష్‌ శంకర్‌ లాంచ్‌ చేశారు.
            చిన్నప్పుడు బల్లల మీద ఆడుకున్న చిన్న చిన్న ఆటలను ఆధారంగా చేసుకుని తీసిన సినిమా అని, ఆ చిన్న ఆటల వల్ల వాళ్ళ జీవితాలు ఎలా మలుపులు తిరిగాయనేదే ఈ సినిమా కథాంశమని ట్రైలర్‌ చెప్పకనే చెబుతోంది. ఈ సందర్భంగా దర్శకుడు కె యస్‌ హేమరాజ్‌ మాట్లాడుతూ, 'ఇది మానవ సంబంధాలకు అద్దంపట్టే కథ. ప్రతి పాత్రలో వేరియేషన్స్‌ ఉండేలా డిజైన్‌ చేశాం. విడుదలైన ట్రైలర్‌కి మంచి స్పందన లభిస్తుంది. త్వరలోనే సినిమా రిలీజ్‌ డేట్‌ని ఎనౌన్స్‌ చేస్తాం' అని తెలిపారు.