హీరో విశ్వక్‌ సేన్‌ నటిస్తున్న తొలి పాన్‌ ఇండియా చిత్రం 'దాస్‌ కా ధమ్కీ' ఈ చిత్రానికి ఆయన దర్శకుడు, నిర్మాత కూడా. ఇందులో ఆయనకు జోడిగా నివేదా పేతురాజ్‌ నటిస్తోంది. శనివారంతో ఈ సినిమా షూటింగ్‌ పూర్తి చేసుకుంది. త్వరలోనే రిలీజ్‌ డేట్‌ని మేకర్స్‌ ఎనౌన్స్‌ చేయనున్నారు.
ఇప్పటి వరకూ విడుదలైన ఈ చిత్ర ప్రమోషనల్‌ కంటెంట్‌కి ట్రెమండస్‌ రెస్పాన్స్‌ వచ్చింది. 'ఆల్మోస్ట్‌ పడిపోయిందే పిల్ల', 'మావాబ్రో..' పాటలు చార్ట్‌ బస్టర్స్‌గా నిలిచాయి. ఇక ఈ చిత్ర ట్రైలర్‌ నేషనల్‌ వైడ్‌గా ట్రెండ్‌ అయ్యింది.
వన్మయే క్రియేషన్స్‌, విశ్వక్సేన్‌ సినిమాస్‌ బ్యానర్లపై కరాటే రాజు నిర్మిస్తున్న ఈ సినిమాకి ప్రసన్న కుమార్‌ బెజవాడ డైలాగ్స్‌ రాశారు. తెలుగు, తమిళం, మలయాళం, హిందీ భాషల్లో విడుదల కానున్న ఈ చిత్రంలో రావు రమేష్‌, హైపర్‌ ఆది, రోహిణి, పృథ్వీరాజ్‌ తదితరులు ఇతర ముఖ్య తారాగణం.
ఈ చిఆనికి డీవోపీ: దినేష్‌ కె బాబు, సంగీతం: లియోన్‌ జేమ్స్‌, ఎడిటర్‌: అన్వర్‌ అలీ, ఆర్ట్‌ డైరెక్టర్‌: ఎ.రామాంజనేయులు, ఫైట్స్‌: టోడర్‌ లాజరోవ్‌-జుజి, దినేష్‌ కె బాబు, వెంకట్‌.
