ప్రభాస్‌ నటిస్తున్న ఫ్యూచరిస్టిక్‌ సైన్స్‌ ఫిక్షన్‌ చిత్రం 'ప్రాజెక్ట్‌కె'. నాగ్‌ అశ్విన్‌ దర్శకత్వంలో అత్యధిక బడ్జెట్‌తో రూపొందుతున్న పాన్‌ ఇండియా చిత్రమిది. ప్రస్తుతం సినిమా నిర్మాణ దశలో ఉంది. ఈ నేపథ్యంలో చిత్ర బృందం యూనిక్‌ ప్రమోషనల్‌ కాంపెయిన్‌ ప్రారంభించింది. అందులో భాగంగా ఫ్రమ్‌ స్క్రాచ్‌ పేరుతో ప్రీ ప్రొడక్షన్‌ పనుల వీడియోను విడుదల చేస్తున్నారు.ఎపిసోడ్‌ వన్‌- ప్రత్యేకంగా రూపొందించిన చక్రం తయారీని చూపించింది. లేటెస్ట్‌గా సోమవారం ఎపిసోడ్‌ 2- అసెంబ్లింగ్‌ ది రైడర్స్‌ని విడుదల చేసారు. రైడర్స్‌ ఎవరు?, చర్చల తరువాత అది విలన్‌ ఆర్మీ యూనిఫాం సైన్‌ అని రివీల్‌ అవుతుంది. ఇది సినిమాలో అత్యంత ఖరీదైన భాగమని నిర్మాత తెలియజేశారు. ఈ వీడియోతో సినిమాపై అంచనాలు మరింత పెరిగాయి.దర్శకుడు నాగ్‌ అశ్విన్‌ స్క్రిప్ట్‌పై ప్రత్యేక శ్రద్ధ తీసుకున్నారు. ప్రపంచ స్థాయి నిర్మాణ ప్రమాణాలతో చిత్రాన్ని రూపొందిస్తున్నారు. టెక్నికల్‌గా ఈ సినిమా మరో లెవల్‌గా ఉండబోతోంది. 50 మెమరబుల్స్‌ ఇయర్స్‌ జరుపుకుంటున్న టాలీవుడ్‌ ప్రముఖ నిర్మాణ సంస్థ వైజయంతీ మూవీస్‌ ఈ గోల్డెన్‌ జూబ్లీ ప్రాజెక్ట్‌ను ప్రతిష్టాత్మకంగా నిర్మిస్తోంది. అశ్విని దత్‌ నిర్మాత. బాలీవుడ్‌ నటి దీపికా పదుకొనే కథానాయికగా నటిస్తుండగా, బిగ్‌ బి అమితాబ్‌ బచ్చన్‌ కీలక పాత్రలో కనిపించనున్నారు.వచ్చే ఏడాది సంక్రాంతి కానుకగా జనవరి 12న ఈ సినిమా ప్రపంచవ్యాప్తంగా ప్రేక్షకుల ముందుకు రానుంది. ప్రభాస్‌ దీంతోపాటు ప్రశాంత్‌ నీల్‌తో 'సలార్‌', మారుతి దర్శకత్వంలో ఓ సినిమా, ఓం రౌత్‌ దర్శకత్వంలో 'ఆదిపురుష్‌'లోనూ నటిస్తూ బిజీగా ఉన్నారు.
