అభయ్‌ ప్రొడక్షన్స్‌లో తెలుగు, తమిళం, హిందీ భాషల్లో రూపొందిన 'ఊహలో తేలాల' ఆల్బమ్‌ సాంగ్‌ ఆవిష్కరణ శుక్రవారం ప్రసాద్‌ ల్యాబ్‌లో జరిగింది. ధనుంజరు ఆధ్వర్యంలో రూపొందిన ఈ ఆల్బమ్‌ సాంగ్‌ను సంగీత దర్శకులు కోటి, ఆర్పీ పట్నాయక్‌ సంయుక్తంగా ఆవిష్కరించారు. ఈ సాంగ్‌ లాంచ్‌ ఈవెంట్‌కు చిరంజీవి బ్లడ్‌ బ్యాంక్‌ సిఈఓ రవణం స్వామి నాయుడు, రచయిత లక్ష్మీ భూపాల, సీనియర్‌ జర్నలిస్ట్స్‌ ప్రభు, సుబ్బారావు తదితరులు హాజరై, యూనిట్‌కు శుభాకాంక్షలు తెలియజేశారు.ఈ సందర్భంగా అభయ్‌ ప్రొడక్షన్స్‌ అధినేత ధనుంజయ్‌ మాట్లాడుతూ.. 'ఊహలో తేలాల' ఆల్బమ్‌లోని పాటలు మనసుకు హత్తుకునేలా చిత్రీకరించాం. మా డైరెక్టర్‌ ఫణి గణేష్‌ అద్భుతంగా ఈ పాటని తెరకెక్కించారు. ప్రముఖ నేపథ్య గాయకులు కారుణ్య, చిన్మయి, యాసిన్‌ నజీర్‌ వంటి ప్లే బ్యాక్‌ సింగర్స్‌ ఆలపించిన ఆల్బమ్‌ ఇది. అలాగే ఇందులో నటించిన వారు కూడా ప్రాణం పెట్టేశారు. ఓ మంచి కాన్సెప్ట్‌తో దీన్ని మీ ముందుకు తీసుకొస్తున్నాం. ప్రేక్షకులందరూ తప్పకుండా ఆదరిస్తారనే నమ్మకం ఉంది. మీరు ఇచ్చే ఉత్సాహం, ప్రోత్సాహంతో మరిన్ని ఆల్బమ్స్‌ చేసేందుకు రెడీగా ఉన్నాం' అని చెప్పారు.
