అక్షయ తృతీయ పర్వదినాన్ని పురస్కరించుకుని అందరికీ శ్రేయస్సులు కలగాలని కోరుకుంటూ, 'ఆదిపురుష్‌' చిత్రం నుంచి జై శ్రీరామ్‌ నామం ప్రతిధ్వనించేలా ఒక లిరికల్‌ ఆడియో క్లిప్‌ను విడుదల చేసింది చిత్ర బృందం. సంగీత ద్వయం అజరు-అతుల్‌ స్వరపరిచిన ఈ గీతాన్ని హిందీ, తమిళం, తెలుగు, మలయాళం, కన్నడ భాషల్లో విడుదల చేశారు. ఈ పాట సినిమాకే కాకుండా తరతరాలు వినిపించేలా.. జై శ్రీరామ్‌ అనే నినాదం మారుమ్రోగేలా ఉండబోతోంది. ఈ ట్రాక్‌కు అనుగుణంగా రాఘవ్‌గా ప్రభాస్‌ అద్భుతమైన పోస్టర్‌ రిలీజ్‌ చేశారు. ఈ పోస్టర్‌లో శ్రీ రాముడు శౌర్యం, శక్తి, బలం కనిపిస్తోంది. రాఘవుని సద్గుణం, దాతత్వం, బలమైన పాత్ర స్వరూపం కనిపిస్తున్నాయి. తండ్రి వాక్కుకు కట్టుబడి, ఒకే బాణం ఒకే భార్య అనే మాటకు ఆదర్శంగా నిలిచిన శ్రీ రామ లక్షణాలకు ప్రతీకగా ఈ పోస్టర్‌ కనిపిస్తోంది. ఈ చిత్రాన్ని టి-సిరీస్‌, భూషణ్‌ కుమార్‌, క్రిషన్‌ కుమార్‌, ఓం రౌత్‌, సుతారియా సుటారియా, రెట్రోఫైల్స్‌ రాజేష్‌ నాయర్‌తో పాటు యు వి క్రియేషన్స్‌కు చెందిన వంశీ, ప్రమోద్‌ నిర్మించారు. జూన్‌ 16న ఈ సినిమా ప్రపంచ వ్యాప్తంగా విడుదల కానుంది.
