నరేష్‌ అగస్త్య, బ్రహ్మాజీ, హర్ష చెముడు, సుదర్శన్‌, మౌర్య సిద్ధవరం, కౌశిక్‌ ఘంటశాల రియా సుమన్‌, ప్రియాంక శర్మ తదితరులు ప్రధాన తారాగణంగా నటిస్తున్న చిత్రం 'మెన్‌ టూ'. లాన్‌థ్రెన్‌ క్రియేటివ్‌ వర్క్స్‌ బ్యానర్‌పై శ్రీకాంత్‌ జి.రెడ్డి దర్శకత్వంలో మౌర్య సిద్ధవరం ఈ చిత్రాన్ని నిర్మిస్తున్నారు.
ఈ చిత్రాన్ని మే 26న గ్రాండ్‌గా రిలీజ్‌ చేస్తున్నారు. ఈ సందర్భంగా నిర్మాత మౌర్య సిద్ధవరం మాట్లాడుతూ, 'ఈ సినిమా ఫుల్‌ ఫన్ రైడర్‌లా ఉంటుంది. ఆడియెన్స్‌కు ఎంటర్‌టైన్మెంట్‌ పరంగా ఫుల్‌ మీల్స్‌లాంటి సినిమా. మంచి టీమ్‌ చేసిన ప్రయత్నమిది. ప్రేక్షకులను ఆకట్టుకుంటుంది. మే 26న థియేటర్స్‌లో మిమ్మల్ని పలకరించబోతున్నాం' అని అన్నారు.'హ్యాష్‌ ట్యాగ్‌ మెన్స్‌ టూ సినిమాతో ఎవరినో బాధ పెట్టాలనే ఉద్దేశం లేదు. ఓ విషయాన్ని ఓ కోణంలోనే కాకుండా మరో కోణంలో కూడా చూడాలని చెబుతూ అవుట్‌ అండ్‌ అవుట్‌ ఎంటర్‌టైనర్‌గా దీన్ని తెరకెక్కించాం. మగవాళ్ళతో ఆడవాళ్ళు ఎదుర్కొన్న సమస్యల మాదిరిగానే ఆడవాళ్ళ నుంచి మగవాళ్ళు ఎదుర్కొన్న సమస్యలను వినోదభరితంగా చూపించాం' అని చిత్ర దర్శకుడు శ్రీకాంత్‌ జి.రెడ్డి తెలిపారు. ఈ చిత్రానికి కో ప్రొడ్యూసర్‌: శ్రీమంత్‌ పాటూరి, దర్శకత్వం: శ్రీకాంత్‌ జి.రెడ్డి, మ్యూజిక్: ఎలిషా ప్రవీణ్‌, ఓషో వెంకట్‌, సినిమాటోగ్రఫీ: పి.సి.మౌళి, ఎడిటర్‌: కార్తీక్‌ ఉన్నవ, పాటలు, మాటలు: రాకేందు మౌళి, ఆర్ట్‌: చంద్రమౌళి.ఇ.
