Authorization
Mon Jan 19, 2015 06:51 pm
నవతెలంగాణ- మర్పల్లి
తాగుడుకు బానిసైన భర్త మందుకు డబ్బులు ఇవ్వమని భార్యను వేధించడంతో ఆమె బావిలో దూకి ఆత్మహత్య చేసుకుంది. ఈ ఘటన మండల పరిధిలోని సిరిపురం గ్రామంలో మంగళవారం చోటు చేసుకుంది. పోలీసులు తెలిపిన వివరాల ప్రకారం మండల పరిధిలోని సిరిపురం గ్రామానికి చెందిన మైసగళ్ళ లక్ష్మి(28) ప్రభుత్వం ఇచ్చిన పింఛన్ డబ్బులు ఇవ్వమని భర్త యేసు రత్నం సోమవారం వేధింపులకు గురి చేశాడు. భర్తతో ప్రతిరోజూ ఇదే గొడవ అని ఇంటి నుంచి వెళ్లిపోయింది. బావిలో దూకి ఆత్మహత్య చేసుకుంది. మృతురాలి తల్లి యాదమ్మ ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్టు ఎస్సై వెంకట్ శ్రీను తెలిపారు.