- ఎమ్మెల్సీ కసిరెడ్డి నారాయణరెడ్డి
నవతెలంగాణ-ఆమనగల్‌
ఎక్వాయిపల్లి గ్రామ అభివృద్ధికి తనవంతు కృషి చేస్తానని ఉమ్మడి మహబూబ్ నగర్ జిల్లా ఎమ్మెల్సీ కసిరెడ్డి నారాయణరెడ్డి అన్నారు. కడ్తాల్‌ మండలంలోని ఎక్వాయిపల్లిలో బుధవారం మాజీ ఎంపీపీ బుగ్గయ్య గౌడ్‌ జ్ఞాపకార్థం ఆయన కుటుంబ సభ్యులకు, కరోనా బారినపడి కోలుకున్న కుటుంబాలకు నిత్యావసర సరుకులు పంపిణీ చేశారు. ముఖ్య అతిథిగా ఎమ్మెల్సీ కసిరెడ్డి నారాయణరెడ్డి హాజరై సరుకులు అందజేశారు. అంతకు ముందు స్థానిక సర్పంచ్‌ సుగుణ సాయిలు ఎమ్మెల్సీ కసిరెడ్డి నారాయణరెడ్డితో పాటు ఎంపీపీ కమ్లి మోత్యా నాయక్‌ తదితరులను పూలమాలలు శాలువాలతో ఘనంగా సన్మానించారు. గ్రామ అభివద్ధికి కావలసిన నిధులు మంజూరు చేయాలని కోరుతూ ఎమ్మెల్సీకి వినతిపత్రం అందజేశారు. అదేవిధంగా సంకటోనిపల్లిలో గుండెపోటుతో మతి చెందిన లాలయ్య మతదేహానికి నివాళి అర్పించి, కుటుంబ సభ్యులకు రూ.3 వేలు అందించారు. కల్వకుర్తి పట్టణానికి చెందిన ప్రశాంతికి రూ.46 వేల విలువగల సీఎంఆర్‌ఎఫ్‌ చెక్కును అందజేశారు. ఈ కార్యక్రమంలో ఎంపీటీసీ ఉమావతి బుగ్గయ్య గౌడ్‌, రైతు సమన్వయ కమిటీ మండల అధ్యక్షుడు జోగు వీరయ్య, నాయకులు సుమన్‌ గౌడ్‌, మల్లేష్‌ గౌడ్‌, యాదగిరి రెడ్డి, శ్రీకాంత్‌ రెడ్డి, శేఖర్‌ గౌడ్‌, యాదయ్య గౌడ్‌, చంద్రకాంత్‌ పాల్గొన్నారు.
