నవతెలంగాణ-యాచారం
యాచారం మండల పరిధిలోని తమ్మలోనిగూడలో బీరప్ప, బుగ్గ పోచమ్మ, మహంకాళి దేవతల, ధ్వజస్తంభ ప్రతిష్ఠాపన మహౌత్సవం బుధవారం ఘనంగా జరిగింది. ఈ ఆలయ నిర్మాణాన్ని గ్రామ గొల్ల, కుర్మ సంఘ పెద్దల ఆధ్వర్యంలో నిర్మాణం చేపట్టారు. అనంతరం సర్పంచ్‌ కాలే సంతోష మల్లేష్‌, ఎమ్మెల్యే కలిసి ప్రత్యేక పూజలు చేశారు. అనంతరం అన్నదాన కార్యక్రమం నిర్వహించారు. ఈ కార్యక్రమానికి ముఖ్యఅతిథిగా ఎమ్మెల్యే హాజరై, మాట్లాడుతూ తమ్మలోనిగూడలో ఈ ఆలయ నిర్మాణం అభినందించే విధంగా కుల పెద్దలు ఏర్పాటు చేయడం అభినందించాల్సిన విషయమన్నారు. కార్యక్రమంలో టీఆర్‌ఎస్‌ రాష్ట్ర నాయకులు క్యామ మల్లేష్‌, డీసీసీ బ్యాంక్‌ వైస్‌ చైర్మెన్‌ కొత్త కుర్మ సత్తయ్య, పీఎసీఎస్‌ చైర్మెన్‌ తోటి రెడ్డి రాజేందర్‌ రెడ్డి, వైస్‌ చైర్మన్‌ కారింగ్‌ యాదయ్య, టీఆర్‌ఎస్‌ మండల అధ్యక్ష, కార్యదర్శులు కర్నాటి రమేష్‌ గౌడ్‌, పాశ్చా భాష, సర్పంచులు హబీబుద్దిన్‌, జగదీష్‌ నాయక్‌, డైరెక్టర్‌ ఐలయ్య, టిఆర్‌ఎస్‌ నాయకులు తలారి మల్లేష్‌, ఓరుగంటి యాదయ్య గౌడ్‌, కాజు మహమ్మద్‌, ఇతర నాయకులు పాల్గొన్నారు.
