- ఇద్దరు విద్యార్థులు మృతి
నవతెలంగాణ-గండిపేట్‌
గండిపేట్‌ వద్ద గురువారం ఘోర రోడ్డు ప్రమాదం చోటు చేసుకున్నది. నార్సింగి పోలీసులు, స్థానికులు తెలిపిన వివరాల ప్రకారం.. ఈ ప్రమాదంలో ఇద్దరు సీబీఐటీ విద్యార్థులు అక్కడిక్కడే మృతి చెందగా మరో ముగ్గురు విద్యార్థులకు తీవ్ర గాయాలయ్యాయి. నగరానికి చెందిన కౌశిక్‌ (19), జోడో నాయక్‌(20) విద్యార్థులందరూ సీబీఐటీ ఇంజినీరింగ్‌ కాలేజీల్లో పరీక్షలు రాసేందుకు వస్తున్నట్లు తెలిపారు. విద్యార్థులు కారుల్లో వస్తుండగా నార్సింగి ఔటర్‌ రింగ్‌ రోడ్డు దాటిన తర్వాత గండిపేట్‌ ప్రధాన చౌరస్తాకు రాగానే వాహనం అతివేగంగా ఉండటంతో విద్యత్‌ స్తంభాన్ని ఢకొీట్టింది. దీంతో ఇద్దరు విద్యార్థులు అక్కడికక్కడే ప్రాణాలు వదిలారు. సీబీఐటీ ప్రధాన రోడ్డుల్లో ఎక్కువ ప్రమాదాలు జరుగుతున్నట్లు పోలీసులు అంచనా వేశారు. మృతదేహాలను పోస్టుమార్టం నిమిత్తం ఉస్మానియాకు తరలించారు. గాయాలైన వారిని స్థానిక ఆస్పత్రికి తరలించారు. తల్లిదండ్రులకు సమాచారం అందించి పోలీసులు కేసు నమోదు చేసుకుని దర్యాప్తు చేస్తున్నారు.
