- సీపీఐ రాష్ట్ర సమితి సభ్యులు పానుగంటి పర్వతాలు
నవతెలంగాణ-శంషాబాద్‌
ఆటలతో శారీరక, మానసిక అభివృద్ధి జరుగుతుందని ప్రతి ఒక్కరూ ఆటల పట్ల ఆసక్తి కలిగి ఉండాలని సీపీఐ రాష్ట్ర సమితి సభ్యులు పానుగంటి పర్వతాలు అన్నారు. శుక్రవారం శంషాబాద్‌లో క్రికెట్‌ కార్యక్రమంలో పాల్గొన్న ఆయ న క్రికెట్‌లో అత్యుత్తమ ప్రదర్శన కనబరిచిన క్రీడాకారులకు బహుమతులు ప్రదానం చేశారు. హైదరాబాద్ క్రికెట్‌ అసోసియేషన్‌ లీగ్‌ మ్యాచ్‌ కొండాపూర్‌లోని ఫాయజ్‌ క్రికెట్‌ గ్రౌండ్‌ లో జరిగింది. ఈ మ్యాచ్‌లో షేక్‌ ఇమ్రాన్‌ ఐదు వికెట్లు తీసి బెస్ట్‌ ప్రదర్శన చేశారు. రెండవ రోజు శంషాబాద్‌ మండల పరిధిలోని నిధి క్రికెట్‌ గ్రౌండ్‌లో జరిగిన మ్యాచ్‌లో రహత్‌ ఆలీ ఖాన్‌ ఆరు వికెట్లు తీశారు. క్రికెట్‌లో ఇద్దరు క్రీడాకారులు ఉత్తమ ప్రదర్శన చేయడంతో శుక్రవారం శంషాబాద్‌లో జరిగిన కార్యక్రమంలో వారికి షీల్డ్‌ లు అందజేసి అభినందించారు. ఈ సందర్భంగా ఆయన మాట్లాడుతూ హైదరాబాద్ క్రికెట్‌ అసోసియేషన్‌ ఆధ్వర్యంలో నడిచే లీగ్‌ మ్యాచ్‌ లకు క్రీడాకారులను పంపిం చి ఎంతోమంది క్రీడాకారులను ప్రోత్సహిస్తున్న మహమ్మద్‌ హరూన్‌ను పర్వతాలు అభినందించారు. ఈ కార్యక్రమంలో నరేష్‌గౌడ్‌, బంటు, అబ్దుల్‌ సమద్‌, అజ్మత్‌, తదితరులు పాల్గొన్నారు.
