నవతెలంగాణ-ఆమనగల్‌
ఆమనగల్‌, కడ్తాల్‌ మండల కేంద్రాలతో పాటు ఆయా గ్రామాల్లో మొహర్రం వేడుకలను శుక్రవారం కులమతాలకు అతీతంగా ఘనంగా నిర్వహించారు. కడ్తాల్‌ మండలంలోని మక్త మాదారంలో పీర్ల పండుగ వేడుకల్లో సర్పంచ్‌ ముదెంటి సులోచన సాయిలు పాల్గొని ప్రత్యేక ప్రార్థనలు చేశారు. పీర్ల పండుగ ఖర్చుల నిమిత్తం పీర్ల చావిడి నిర్వాహకులకు సర్పంచ్‌ రూ.10 వేలు ఆర్థికసాయం అందజేశారు. ఈసందర్భంగా ముస్లిం సోదరులు సర్పంచ్‌ను శాలువాలతో సన్మానించారు. ఈ కార్యక్రమంలో ఎంపీటీసీ బండి మంజుల చంద్రమౌళి, ఉపసర్పంచ్‌ బి గణేష్‌, మాజీ సర్పంచ్‌ యాట నర్సింహ, నాయకులు కష్ణయ్య, నరేష్‌ గౌడ్‌, నారాయణ, కారోబార్‌ శ్రీకాంత్‌ గౌడ్‌, ముస్లిం మైనార్టీ నాయకులు శంషోద్దీన్‌, మున్వర్‌ అలీ, మహబూబ్ అలీ, సాధిక్‌, జహంగీర్‌, తదితరులు పాల్గొన్నారు.
మీ స్నేహితులకు రికమెండ్ చెయ్యండి
