- పాల్గొన్న షాద్‌నగర్‌ ఎమ్మెల్యే అంజయ్య యాదవ్‌
నవతెలంగాణ - కొత్తూరు
తెలంగాణ సాధనలో టీఆర్‌ఎస్‌ కషి ఎనలేనిదని, ఉద్యమంలో సీఎం కేసీఆర్‌ ముఖ్య భూమిక పోషించారని షాద్‌నగర్‌ ఎమ్మెల్యే అంజయ్య యాదవ్‌ అన్నారు. సంస్థాగతంగా టీఆర్‌ఎస్‌ పార్టీని బలోపేతం చేసే దిశగా రాష్ట్ర పార్టీ కార్యనిర్వాహక అధ్యక్షుడు కేటీఆర్‌ పిలుపుమేరకు కొత్తూరు మండలంలో, తిమ్మాపూర్‌లో టీఆర్‌ఎస్‌ జెండా పండుగను మండల అధ్యక్షుడు పెంటనోళ్ల యాదగిరి ఆధ్వర్యంలో ఘనంగా నిర్వహించారు. షాద్‌నగర్‌ ఎమ్మెల్యే అంజయ్య యాదవ్‌ ముఖ్య అతిథిగా హాజరయ్యారు. ఈ కార్యక్రమంలో మున్సిపల్‌ చైర్‌ పర్సన్‌ లావణ్య దేవేందర్‌ యాదవ్‌, ఎంపీపీ మధుసూదన్‌ రెడ్డి, ఎమ్మె సత్యనారాయణ, టీఆర్‌ఎస్‌ మండల ప్రధాన కార్యదర్శి మున్నూరు పద్మారావు, మండల ఎస్టీ సెల్‌ అధ్యక్షులు నేనావత్‌ గోపాల్‌ నాయక్‌, తదితరులు పాల్గొన్నారు.
మీ స్నేహితులకు రికమెండ్ చెయ్యండి
