నవతెలంగాణ -మణికొండ
మణికొండ ప్రభుత్వ పాఠశాల నుండి పదో తరగతి పూర్తి చేసుకున్న విద్యార్థుల్లో నలుగురు విద్యార్థులు సార, త్రిష, సాయి వర్ధన్‌, మహేందర్‌కు తెెలంగాణ గురుకుల కళాశాలలో సీటు లభించింది. పేద కుటుంబ నుండి వచ్చిన విద్యార్థులు ఉత్తమ ప్రతిభ కనబర్చారు. వీరిని శాలువాతో ఘనంగా సత్కరించారు. వారు ఆర్థికంగా వెనకబడటంతో మణికొండ మున్సిపల్‌ ఫ్లోర్‌ లీడర్‌ రామకృష్ణ రెడ్డి గురువారం విద్యార్థులకు ఆర్థిక సాయం అందించారు. విద్యార్థుల్లో సారా విద్యార్థికి రూ.15,000 వేలు ఆర్థికసాయం సాయం అందించి శాలువాతో సన్మానించారు. ఉత్తమ ప్రతిభ గల విదార్థులుగా తీర్చిదిద్దిన పాఠశాల ప్రధానోపాధ్యాయులు నిరంజన్‌, ఉపాధ్యాయుడి, ఉపాధ్యాయులకు అభినందనలు తెలిపారు. ఈ కార్యక్రమంలో కౌన్సిలర్‌ వసంత్‌ చౌహన్‌, ఎస్‌ఎంసీ చైర్మన్‌, ఉపాధ్యాయులు పాల్గొన్నారు.