కాంగ్రెస్‌ షాద్‌నగర్‌ నేత వీర్లపల్లి శంకర్‌
టీఆర్‌ఎస్‌ నుంచి కాంగ్రెస్‌లోకి చేరికలు
నవతెలంగాణ-షాద్‌నగర్‌ రూరల్‌ / కొత్తూర్‌
పీసీసీ అధ్యక్షుడు రేవంత్‌రెడ్డి సారధ్యంలో కాంగ్రెస్‌ రాష్ట్రంలో బలపడుతోందని షాద్‌నగర్‌ నియోజకవర్గ సీనియర్‌ నేత వీర్లపల్లి శంకర్‌ అన్నారు. శుక్రవారం పలువురు టీఆర్‌ఎస్‌ నాయకులు పార్టీలో చేరారు. ఈ సందర్భంగా వీర్లపల్లి పట్టణంలోని తన నివాసంలో వారికి కాంగ్రెస్‌ కండువా కప్పి పార్టీలోకి ఆహ్వానించారు. అనం తరం ఆయన మాట్లాడుతూ రాష్ట్రంలో టీఆర్‌ఎస్‌ ప్రభు త్వంపై వ్యతిరేకత పెరుగుతోందని, ప్రభుత్వ వైఫల్యాలను కాంగ్రెస్‌ ప్రజా క్షేత్రంలో ఎండగడుతుందని అన్నారు. అధికార పార్టీ నేతలు మాత్రం నిజాలను జీర్ణించుకోలేక, ప్రజాస్వామ్యానికి తూట్లు పొడిచేలా దాడులకు తెగబడ్డారని మండిపడ్డారు. అదేవిధంగా ప్రభుత్వం ప్రజా వ్యతిరేక విధానాలను అనుసరిస్తోందని, ప్రభుత్వం ప్రజలపై ధరల భారం మోపుతుందని ఆవేదన వ్యక్తం చేశారు. ప్రజా సమస్యలపై పోరాటం చేస్తామని, కాంగ్రెస్‌ ఎప్పటికీ పేదల పార్టీ అని అన్నారు. ఈ కార్యక్రమంలో హరనాథ్‌రెడ్డి, దయాకర్‌రెడ్డి, పెంటయ్య, చెన్నయ్య, అనిల్‌, శ్రీశైలం, శ్రీను, రత్నం, మల్లేష్‌, మాణిక్యం, ఆంజనేయులు, భాను తదితరులు పాల్గొన్నారు.
