నవతెలంగాణ- బంట్వారం
మండల కేంద్రంలోని గ్రంథాలయ ఆవరణలో కొండా లక్ష్మణ్‌ బాపూజీ 106వ జయంతిని పురస్కరించుకొని బాపూజీ చిత్ర పటానికి పూలమాల వేసి నివాళులు అర్పించారు. ఈ సందర్భంగా గ్రంథాలయ అధికారి యాదగిరి మాట్లాడుతూ బడుగు బలహీన వర్గాల స్ఫూర్తి ప్రదాత, నిజాం నిరంకుశ వ్యతిరేక ఉద్యమంలో చురుకుగా పాల్గొన్న వ్యక్తి, దేశం గర్వించే గొప్ప నేత, స్వాతంత్రోద్యమం, ప్రత్యేక తెలంగాణ రాష్టం ఏర్పాటు ఉద్యమంలో కొండా లక్ష్మణ్‌ బాపూజీ అలుపెరగని పోరాటం చేశారని కొనియాడారు. ఈ కార్యక్రమంలో రైతుబంధు మండల అధ్యక్షులు ఖాజా పాషా, వార్డ్‌ నెంబర్‌ అశోక్‌ కుమార్‌, నర్సింలు, గ్రంథాలయ సభ్యులు, విద్యార్థులు పాల్గొన్నారు.
మీ స్నేహితులకు రికమెండ్ చెయ్యండి
