నవతెలంగాణ - బొంరాస్‌పేట్‌
తెలంగాణ ప్రభుత్వం బాషా సాంస్కృతిక శాఖ సం చాలకులు మామిడి హరికృష్ణ పర్యవేక్షణలో వికారాబాద్‌ జిల్లా ఒగ్గుబీర్ల సంఘం అధ్యక్షులు ఒగ్గు బీరప్ప ఆధ్వ ర్యంలో నాల్గోవ రోజు మండల పరిధిలోని నాందార్‌పూర్‌ గ్రామంలోని శ్రీ మల్లికార్జున స్వామి దేవాలయం ప్రాంగణంలో ద్యావరి సాయప్ప, కుంభల్లా చంద్రయ్య బృందాలతో గూగుల్‌ మీట్‌ వేదికగా ఒగ్గుకథలను ప్రదర్శన చేశారు. ఒగ్గు రవి, ఒగ్గు మైపాల్‌, పోలె శ్రీశైలం, గజర్ల బుగ్గన్న, బొప్పానపళ్ళి ఐలయ్య, గంగ మల్లయ్య, తదితరులు పాల్గొన్నారు. కొడంగల్‌ నియోజ కవర్గ కురుమ సంఘం అధ్యక్షులు బండ శ్రీనివాస్‌, కురుమ ప్రధాన కార్యదర్శి స్వామి మల్లేష్‌, కురుమ వికారాబాద్‌ జిల్లా కురుమ సంఘం యూత్‌ అధ్యక్షులు మధు కురుమ, కొత్తూర్‌ సర్పంచ్‌ మహేందర్‌ కురుమ, కొత్తూర్‌ మాజీ సర్పంచ్‌ బాలయ్య కురుమ,శ్రీశైలం, మహేష్‌ తదితరులు పాల్గొన్నారు.
