నవతెలంగాణ-చేవెళ్ల
యువత సమయం వృథా చేయకుండా స్వయం ఉపాధి రంగాల్లో రాణించాలని చేవెళ్ల ఎంపీ గడ్డం రంజిత్‌ రెడ్డి, స్థానిక ఎమ్మెల్యే కాలే యాదయ్య అన్నారు. చేవెళ్ల పట్టణంలోని హైదరాబాద్ బీజా పూర్‌ అంతర్రాష్ట్ర రహదారి పక్కన హైద్రాబాద్‌ రోడ్డులో నాన్‌ చేరి గ్రామానికి చెందిన పాండు కుమారుడు ఉదరు ఏర్పాటు చేసిన జిమ్‌ సెంట ర్‌ను గురువారం ప్రారంభించారు.ఈ సంద ర్భంగా ఏర్పాటు చేసిన సమావేశంలో వారు మాట్లాడుతూ జీమ్‌లు శారీరక ధృఢత్వానికి ఎంత గానో ఉపయోగ పడుతుందన్నారు. వినియో గదారులకు నాణ్యమైన సేవలు అందించాలని సూచించారు. ఈ కార్యక్రమంలో చేవెళ్ల ఎంపీపీ విజయ లక్ష్మిరమణారెడ్డి, జడ్పీటీసీ సభ్యురాలు మాలతి కృష్ణారెడ్డి, పార్టీ మండలాధ్యక్షుడు పెద్దోళ్ల ప్రభా కర్‌, వైస్‌ చైర్మెన్‌ కర్నె శివప్రసాద్‌, పార్టీ మండల కార్యదర్శి పడాల ప్రభాకర్‌, మాజీ పార్టీ మండల అధ్యక్షుడు రామేశ్వర్‌ రెడ్డి, మండల సర్పంచుల సంఘం అధ్యక్షుడు శేరి శివారెడ్డి, ఎంపీటీసీల ఫోరం అధ్యక్షుడు రవీందర్‌ రెడ్డి, నాయకులు దేవర కృష్ణారెడ్డి, రమణారెడ్డి, మార్కెట్‌ కమిటీ మాజీ వైస్‌ చైర్మెన్‌ బ్యాగరి నర్సింలు, పార్టీ నాయకులు, కార్యకర్తలు తదితరులు పాల్గొన్నారు.
