కల్వకుర్తి ఎమ్మెల్యే శాసన సభ్యులు గుర్క జైపాల్‌ యాదవ్‌
మహిళలకు బతుకమ్మ చీరలు పంపిణీ
నవతెలంగాణ-ఆమనగల్‌
ఆడబిడ్డలకు బతుకమ్మ చీరలను ముఖ్యమంత్రి కేసీఆర్‌ కానుకగా అందజేస్తున్నట్టు కల్వకుర్తి ఎమ్మెల్యే గుర్క జైపాల్‌ యాదవ్‌ అన్నారు. గురువారం కడ్తాల్‌ మండల కేంద్రంలోని గ్రామ పంచాయతీ కార్యాలయంలో సర్పంచ్‌ గూడూరు లక్ష్మీ నరసింహరెడ్డి ఆధ్వర్యంలో మహిళలకు బతుకమ్మ చీరలు పంపిణీ చేశారు ఈ సందర్భంగా వారు మాట్లాడుతూ గ్రామ పంచాయతీ పరిధిలో ఉన్న మత్స్యకారులకు, గొర్ల కాపరులకు, గౌడ కులస్తులకు, వడ్డెర సంఘం వారికి కమిటీ హాల్‌ నిర్మాణం కోసం ఒక్కొక్క సంఘానికి రూ.5,00,000 లు మంజూరు చేస్తున్నట్టు తెలిపారు. అదేవిధంగా రూ.25 లక్షల స్త్రీ శక్తి భవనం నిర్మించనున్నట్టు పేర్కొన్నారు. కార్య క్రమంలో భాగంగా స్థానిక నాయకులు హర్షవర్ధన్‌రెడ్డి ఎమ్మెల్యేకు బహూకరించిన జమ్మి మొక్కను సర్పంచ్‌ గూ డూరు లక్ష్మీ నరసింహరెడ్డి స్థానిక హనుమాన్‌ దేవాలయం ఆవరణలో నాటారు. ఈ కార్యక్రమంలో తహసీల్దార్‌ మహేందర్‌రెడ్డి, ఎంపీడీఓ రామకృష్ణ, ఎంపీటీసీ గూడూరు శ్రీనివాస్‌రెడ్డి, ఉపసర్పంచ్‌ రామకృష్ణ, వార్డు సభ్యులు భిక్షపతి, కె.మహేష్‌, కో-ఆప్షన్‌ సభ్యులు గూడూరు భాస్కర్‌రెడ్డి, రేపని దీప, ఎంపీఓ తేజ్‌సింగ్‌, కార్యదర్శి రాంచంద్రారెడ్డి, తదితరులు పాల్గొన్నారు.
