నవతెలంగాణ-చౌటుప్పల్‌
మహాత్మాగాంధీ విశ్వవిద్యాలయం ప్రకటించిన డిగ్రీ 1,4,6 సెమిస్టర్‌ ఫలితాల్లో పట్టణానికి చెందిన శ్రీగాయత్రి కళాశాల విద్యార్థులు అత్యుత్తమ ఫలితాలు సాధించి విజయదుందుభి మోగించారు. బి.వరలక్ష్మీ బీఎస్సీ ఎంపీసీ ఆరో సెమిస్టర్‌లో 10/10 సాధించి ఉత్తమ ప్రతిభ కనబర్చింది. ఎ.పూజిత బి.కామ్‌ కంప్యూటర్‌ నాల్గో సెమిస్టర్‌లో 10/10 సాధించింది. ఎస్‌కె.సమ్రిన్‌ బీజెడ్‌సీ ఒకటో సెమిస్టర్‌లో 10/10 ఎస్‌జీపీఎ సాధించింది. అదే విధంగా మరికొంత మంది విద్యార్థులు ఉత్తమ ఫలితాలు సాధించి ప్రతిభ కనబర్చినట్టు కళాశాల ఛైర్మన్‌ బి.మయూర్‌రెడ్డి, కరస్పాండెంట్‌ బి.సుభాశ్‌రెడ్డి తెలిపారు. ప్రతిభ కనబర్చిన విద్యార్థులను వారు అభినందించారు. ఈ కార్యక్రమంలో ప్రిన్సిపాల్‌ సీహెచ్‌.అంజనేయులు, అధ్యాపకులు పాల్గొన్నారు.