- సన్మానించిన నార్సింగి కౌన్సిలర్‌ కె. ఉషారాణి
నవతెలంగాణ-గండిపేట్‌
జిల్లా స్థాయి అథ్లెటిక్స్‌ రన్నింగ్‌ పోటీల్లో నార్సింగి కావ్య రాణించి పతకాన్ని సాధించింది. శుక్రవారం నార్సింగి మున్సిపల్‌లోని 17వ వార్డులో నివాసం ఉంటు న్న పేదింటి విద్యార్థినీ కావ్యను నార్సింగి కౌన్సిలర్‌ కె. ఉషారాణి అభినందించారు. జిల్లా స్థాయిల్లో విజయం సాధించి రాష్ట్ర గవర్నర్‌ చేతుల మీదిగా అవార్డులను అందుకున్నట్టు తెలిపారు. నార్సింగిలో స్థానిక ప్రయివేటు స్కూల్లో చదువుతున్న కావ్య మొదటి నుంచి అథ్లెటిక్స్‌లో రాణిస్తూ ఉందన్నారు. క్రీడ రంగాల్లో మంచి విజయం సాధిస్తున్నట్టు తెలిపారు. కూచిపూడి నృత్యంలో కూడా కావ్యకు రాష్ట్ర స్థాయిలో అవార్డులు వచ్చినట్టు పేర్కొన్నారు. భవిష్యత్‌లో కావ్య విద్యతోపాటు క్రీడల్లో కూడా రాణించాలని ఆకాంక్షించారు. అనంతరం కావ్యను సన్మానించారు. ఈ సందర్భంగా కావ్య తల్లిదండ్రులు, పలువురు హర్షం వ్యక్తం చేశారు.