- సెల్లార్‌ నీటిలో పడి మృతి
నవతెలంగాణ-రాజేంద్రనగర్‌
అపార్ట్మెంట్ కింద ఆడుకుంటూ అదృశ్యమైన బాలుడు పక్కనే సెల్లార్‌ నీటి గుంతలో పడి మృతి చెందిన సంఘటన శుక్రవారం రాజేంద్రనగర్‌ పోలీస్‌స్టేషన్‌ పరిధిలో చోటు చేసుకుం ది. పోలీసులు తెలిపిన వివరాల ప్రకా రం హైదర్గూడాలోని కొండల్‌రెడ్డి అపార్ట్మెంట్లో నివాసముంటున్న శివ కుమారు డు అనీష్‌(7) గురువారం మధ్యాహ్నం అపార్ట్మెంట్ కింద ఆడుకుం టూ ఒక్కసారిగా అదృశ్యమయ్యాడు. తల్లిదండ్రులు చుట్టుపక్కల వెతికినా ఆచూకీ లభ్యం కాకపోవడంతో వారు వెంటనే రాజేంద్రనగర్‌ పోలీసులకు సమాచారం అందించారు. పోలీసులు అక్కడ ఉన్న సీసీ కెమెరాలను పరిశీలించారు. అయి తే అపార్ట్మెంట్లో ఉన్న సీసీ కెమెరాలు ఎక్కడ పని చేయలేదు. దీంతో బాలుడి ఆచూకీ తెలుసుకోవడం కష్టంగా మారింది. ఇదిలా ఉండగా శుక్రవారం ఉదయం అపార్ట్మెం ట్‌ పక్కనే ఖాళీ స్థలంలో మరో అపార్ట్మెంట్ నిర్మాణం కోసం తవ్విన సెల్లార్‌ గుంతలో ఉన్న నీటిలో ఒక బాలుడి మృతదే హం ఉందని స్థానికులు పోలీ సులకు తెలిపారు. అది తప్పి నపోయిన అనీష్‌ అని బాలుడి తల్లిదండ్రులు గుర్తించారు. బాలుడి మృతితో తల్లిదండ్రులు కన్నీరు మున్నీరుగా విలపించారు. అయితే అనీష్‌ ధరించిన టీ షర్టు సెల్లార్‌ పైన ఉండడంతో అతని మృతిపై పలు అనుమానాలు ఉన్నాయని తల్లిదండ్రులు పోలీసులకు తెలిపారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు. సెల్లార్‌ చుట్టూ ప్రహరీ నిర్మించి ఉంటే ఈ ఘటన జరిగి ఉండేది కాదని స్థానికులు వాపోతున్నారు.
