తహసీల్దార్‌ అమరలింగంగౌడ్‌
నవతెలంగాణ-షాబాద్‌
ప్రజాసామ్యంలో ఓటు కీలమైందనీ,అర్హులందరూ ఓటును సద్వినియోగించుకోవాలని తహసీల్దార్‌ అమరలింగంగౌడ్‌ అన్నారు. ఓటరు జాతీయ దినోత్సవాన్ని పురస్కరించుకుని మంగళవారం తహసీల్దార్‌ కార్యాలయంతోపాటు, మండలంలోని అన్ని గ్రామ పంచాయతీల్లో ఓటరు దినోత్సవ కార్యక్రమాన్ని నిర్వహించారు. ఈ సందర్భంగా సిబ్బందితో కలిసి ప్రతిజ్ఞ చేయించారు. అనంతరం ఆయన మాట్లాడుతూ 18 సంవత్సరాలు నిండిన ప్రతి ఒక్కరూ తమ ఓటు హక్కును వినియోగించుకోవాలన్నారు. ఓటు హక్కును మంచి నాయకున్ని ఎంచుకోడానికి వినియోగించుకోవాలన్నారు. వజ్రాయుధంలాంటి ఓటును ఎలాంటి ప్రలోభాలకు లొంగకుండా మంచి నాయకున్ని ఎన్నుకున్నప్పుడే దేశం అన్నిరంగాల్లో అభివృద్ధి చెందుతోందని తెలిపారు.ఈ కార్యక్రమంలో డిప్యూటీ తహసీల్దార్‌ క్రాంతికుమార్‌, ఆర్‌ఐలు, ఆర్‌వోలు, వీఆర్‌ఏలు, తదితరులు ఉన్నారు.