యువకులు స్వయం ఉపాధితో ఎదగాలి
కాంగ్రెస్‌ వికారాబాద్‌ పట్టణ అధ్యక్షులు సుధాకర్‌ రెడ్డి
నవతెలంగాణ-వికారాబాద్‌ ప్రతినిధి
'సీఎం కేసీఆర్‌ నిరుద్యోగులకు ఉద్యోగాలు ఇస్తాడు అనేది కల అన్ని, నోటిఫిసేషన్లు వేస్తాడనేది కూడా కల నేననీ', ఈ విషయంపై యువత నిరుత్సాహపడకుండా స్వయం ఉపాధితో ఎదగాలని కాంగ్రెస్‌ వికారాబాద్‌ పట్టణ అధ్యక్షుడు అర్థ సుధాకర్‌రెడ్డి అన్నారు. బుధవారం వికారాబాద్‌ పట్టణంలోని ఎన్టీఆర్‌ చౌరస్తాలో ఉన్న నిరుద్యోగి మిల్లెట్‌ ఫుడ్‌ టిఫీ˜ిన్‌ సెంటర్‌ను సందర్శించారు. అనంతరం ఆయన మాట్లాడుతూ సీఎం కేసీఆర్‌ పాలనలో ఎమ్మెస్సీ చదివి కూడా నిరుద్యోగిగా ఇబ్బందులు పడు తున్న పాండు ఎక్కడ కూడా నిరాశ చెందకుండా, స్వయం ఉపాధితో టిఫీిన్‌ సెంటర్‌ నడుపుతూ జీవనం సాగించడం అభినందనీయమన్నారు. నిరుద్యోగ యువత కూడా పాండును ఆదర్శంగా తీసుకుని స్వయం ఉపాధి తో ఎదగాలని సూచించారు. ఈ కార్యక్రమంలో కాంగ్రెస్‌ నాయకులు ప్రభాకర్‌ రెడ్డి, కృష్ణ, శ్రీనివాస్‌ ముదిరాజ్‌, రహీం, నవీన్‌ విజరు, నరేందర్‌, ఖలీల్‌, ప్రవీణ్‌ తదితరులున్నారు.
