కాంగ్రెస్‌ షాదనగర్‌ నియోజకవర్గ ఇన్‌చార్జి వీర్లపల్లి శంకర్‌
నవతెలంగాణ-కొత్తూరు
యువత క్రీడల పట్ల ఆసక్తి ని పెంపొందించుకోవాలని ఆటలు ఆడటం వల్ల శారీరక దృఢత్వాన్ని పెంపొందిస్తాయని కాంగ్రెస్‌ షాద్‌నగర్‌ నియోజకవర్గ ఇన్‌చార్జి వీర్లపల్లి శంకర్‌ అన్నారు. కీర్తిశేషులు కమిలి బరు స్మారకార్థం సర్పంచ్‌ అజరు నాయక్‌ ఆధ్వర్యంలో శుక్రవారం ఈముల్‌ నర్వ ప్రీమియర్‌ లీగ్‌ క్రికెట్‌ టోర్నమెంట్‌ను నిర్వహిస్తున్నారు. ఈ కార్యక్రమానికి ముఖ్య అతిథిగా ఆయన హాజరై ప్రారంభించారు. ఈ టోర్లమెంట్‌లో 8 జట్లు పాల్గొ నగా, ఈ కార్యక్రమం వారం రోజుల పాటూ నిర్వహించనున్నట్టు నిర్వాహకులు తెలిపారు. అనంతరం ఆయన మాట్లాడుతూ విద్యార్థులు చదువుతోపాటు క్రీడల పట్ల మక్కువను పెంచుకోవాలన్నారు. యువత చెడు వ్యసనాలకు పాల్పడకుండా, ప్రజాశ్రేయస్సుకు పాటుపడాలని సూచించారు. గ్రామీణ ప్రాంతాల్లో టోర్నమెంట్‌లను నిర్వహించడం వలన ప్రతిభ ఉన్న క్రీడాకారులు వెలుగులోకి వస్తారని తెలిపారు. క్రీడల్లో గెలుపోటములు సహజమని, వాటిని సమానంగా స్వీకరించాలన్నారు.ఈ కార్యక్రమంలో మిట్టునాయక్‌, ఎస్‌బీ పల్లి సర్పంచ్‌ అంబటి ప్రభాకర్‌, గ్రామ ఉపసర్పంచ్‌ శ్రీరాములు యాదవ్‌, క్రీడాకారులు తదితరులు పాల్గొన్నారు.
