- ప్రతి ఒక్కరూ వారితో బాధ్యతగా వ్యవహరించాలి
- కొల్కులపల్లి సర్పంచ్‌ భట్టు అనురాధరెడ్డి,
- ఎంపీటీసీ భట్టు కిషన్‌ రెడ్డి
నవతెలంగాణ-మాడ్గుల
ప్రతి ఒక్కరూ తన తల్లిదండ్రుల పట్ల ప్రేమతో, బాధ్యతగా వ్యవహరిం చాలని కొల్కులపల్లి సర్పంచ్‌ భట్టు అనురాధరెడ్డి, ఆమనగల్లు మార్కెట్‌ కమిటీ మాజీ చైర్మెన్‌, కాంగ్రెస్‌ మండలాధ్యక్షులు, ఎంపీటీసీ భట్టు కిషన్‌ రెడ్డి అన్నారు. మండలంలోని కొల్కులపల్లి గ్రామానికి చెందిన ప్రముఖ బిల్డర్‌, టీఎన్‌ఆర్‌ సంస్థల అధినేత తేరటుపల్లి నర్సింహారావు మాతృమూర్తి కీ.శే. మల్లికాంభ గతేడాది కోవిడ్‌ భారీన పడి మృతి చెందింది.తన తల్లి స్మారకార్ధం కొల్కులపల్లి గ్రామశివారులో ఉన్న వ్యవసాయ క్షేత్రంలో మల్లికాంభ విగ్రహం ఏర్పాటు చేశారు. ఈ కార్యక్రమానికి కొల్కులపల్లి సర్పంచ్‌ భట్టు అనురాధరెడ్డి, మాడ్గుల కాంగ్రెస్‌ మండల అధ్యక్షులు, ఆమనగల్లు మార్కెట్‌ కమిటీ మాజీ చైర్మెన్‌, ఎంపీటీసీ భట్టు కిషన్‌ రెడ్డి హాజరై తేరటుపల్లి నర్సింహారావుతో పాటు గ్రామస్తులతో కలిసి దివంగత మల్లికాంభ విగ్రహాన్ని ఆవిష్కరించారు. ఈ కార్యక్రమంలో కొల్కులపల్లి గ్రామస్తులు, తేరిటిపల్లి కుటుంబీకులు, బంధుమిత్రులు ఉన్నారు.
