నవతెలంగాణ-ఆమనగల్‌
కడ్తాల్‌ మండలంలోని ఎక్వాయిపల్లి గ్రామం నుంచి మర్రిపల్లి మీదుగా కోనాపూర్‌ గ్రామం వరకు ఉన్న మట్టి రోడ్డుకు మరమ్మతు పనులను శనివారం డీస ీసీబీ డైరెక్టర్‌, ఆమనగల్‌ కడ్తాల్‌ మండలాల పీఏసీఎస్‌ చైర్మెన్‌ గంప వెంకటేష్‌ గుప్తాతో కలిసి జిల్లా పరిషత్‌ గ్రామీణాభివృద్ధి శాఖ స్టాండింగ్‌ కమిటీ సభ్యులు, కడ్తాల్‌ మండల జెడ్పీటీసీ సభ్యులు జర్పుల దశరథ్‌ నాయక్‌ ప్రారంభించారు. ఈ సందర్భంగా ఆయన మాట్లా డుతూ సీడీపీ నిధుల నుంచి రూ.10 లక్షలు వెచ్చించి చేపడుతున్న మట్టి రోడ్డు మరమ్మతు పనులను నాణ్యతగా నిర్మించాలని సూచించారు.
ముత్యాలమ్మ గుడి నిర్మాణానికి..
మండలంలోని బోయిన్‌ గుట్టతండాలో నూతనం గా నిర్మిస్తున్న ముత్యాలమ్మ గుడి నిర్మాణానికి జెడ్పీటీసీ జర్పుల దశరథ్‌ నాయక్‌ తనవంతు విరాళంగా రూ.51 వేలు అందజేశారు. శనివారం ఆయన గుడి నిర్మాణ పనులను పరిశీలించి ప్రత్యేక పూజలు చేశారు. ఈ కార్యక్రమంలో రైతు సమన్వయ కమిటీ మండల అధ్యక్షుడు జోగు వీరయ్య, మర్రిపల్లి సర్పంచ్‌ బాగ్యమ్మ జంగయ్యగౌడ్‌, ఎక్వాయిపల్లి ఉపసర్పంచ్‌ నరసింహా గౌడ్‌, నాయకులు బిక్షపతి, చంద్రయ్య, నరసింహా, భాస్కర్‌ రెడ్డి, బోయిన్‌గుట్టతండాలో వార్డు సభ్యురాలు శాంతి, సోంలా నాయక్‌, కిషన్‌ నాయక్‌, రవీందర్‌, దీప్లా నాయక్‌, ఎన్‌.అంజి నాయక్‌ తదితరులు పాల్గొన్నారు.
