- కొలుకులపల్లి సర్పంచ్‌
  బట్టు అనురాధ కిషన్‌ రెడ్డి
నవతెలంగాణ- మాడ్గుల
ఐదేళ్లలోపు చిన్నారులందరికీ పోలియో చుక్కలు తప్పనిసరిగా వేయించాలని కొలుకులపల్లి సర్పంచ్‌ బట్టు అనురాధ కిషన్‌రెడ్డి, ఎంపీటీసీ బట్టు కిషన్‌రెడ్డి కోరారు. గ్రామంలో ఆదివారం పల్స్‌ పోలియో కేంద్రం ప్రారంభించి చిన్నారులకు పోలియో చుక్కలు వేశారు. ఈ సందర్భంగా మండలంలో అన్ని గ్రామ పంచాయితీల్లో మెడికల్‌, అంగన్వాడీ సిబ్బంది పల్స్‌ పోలియో కార్యక్రమం నిర్వహించారు. ఈ సందర్భంగా సుద్ధపల్లి, ఆర్కపల్లి, అందుగుల, గిరి కొత్తపల్లి తదితర గ్రామాల్లో సర్పంచ్‌లు యాచారం వెంకటేశ్వర్లు గౌడ్‌, ఏర్పుల జంగయ్య, అందుగుల జయలక్ష్మి రాజు, ఆదిమల్ల పద్మ శ్రీని వాస్‌తో పాటు ఇతర ప్రజాప్రతినిధులు, నాయకులు పోలియో కార్యక్రమంలో పాల్గొని చిన్నారులకు పోలియో చుక్కలు వేశారు. మండలంలో 2,088 చిన్నారులకు గాను 1,930 మంది చిన్నారులకు 93 శాతం పోలియో చుక్కలు వేసినట్టు మెడికల్‌ ఆఫీసర్‌ డాక్టర్‌ లలిత తెలిపారు.