- ఎమ్మెల్యే పైలెట్‌ రోహిత్‌ రెడ్డి
నవతెలంగాణ-తాండూరు
ప్రతిఒక్కరిలో సేవా గుణం కలిగి ఉండాలని ఎమ్మెల్యే పైలెట్‌ రోహిత్‌ రెడ్డి అన్నారు. రహభర్‌ ఫౌండేషన్‌ ఆధ్వర్యంలో పట్టణంలోని నేషనల్‌ గార్డెన్స్‌లో చిరు వ్యాపారులకు తోపుడుబండ్ల పంపిణీ కార్యక్రమంలో ముఖ్యఅతిథిగా పాల్గొని వాటిని అందజేశారు. ఈ సందర్భంగా ఏర్పాటు చేసిన సమావేశంలో ఎమ్మెల్యే మాట్లాడుతూ..తాండూరులో ఉన్న పలు సంస్థల సేవలు అభినందనీయమని వారిని స్ఫూర్తిగా తీసుకోవాల్సిన అవసరముందని అన్నారు. మానవతా దృక్పథంతో ఆలోచించి ఇతరులకు సాయపడే గుణం ఉండాలన్నారు ఈ కార్యక్రమంలో ముస్లిం వెల్ఫేర్‌ అసోసియేషన్‌ ప్రతినిధులతో పాటు ప్రజాప్రతినిధులు నాయకులు తదితరులు పాల్గొన్నారు.