- ఏఎంసీ వైస్‌ చైర్మెన్‌ తోట గిరి యాదవ్‌
నవతెలంగాణ-ఆమనగల్‌
ఆటల పోటీలతో యువకుల్లో స్నేహాభావం పెంపొందుతుందని ఆమనగల్‌ మార్కెట్‌ కమిటీ వైస్‌ చైర్మెన్‌ తోట గిరి యాదవ్‌ అన్నారు. ఆదివారం ఆమనగల్‌ మున్సిపాలిటీ పరిధిలోని 5వ వార్డులో ఉన్న నవచైతన్య కాలనీ యువకులకు క్రికెట్‌ కిట్టును అందజేశారు. ఈ సందర్భంగా ఆయన మాట్లాడుతూ యువకులు ఉన్నత విద్యతో పాటు క్రీడల్లో రాణించాలని సూచించారు. కార్యక్రమంలో భాగంగా ప్రమాదవశాత్తు కాలుకు గాయమై ఇంటివద్ద చికిత్స పొందుతున్న కాలనికి చెందిన ఒగ్గు వెంకటయ్యను ఆయన పరామర్శించి 25 కిలోల బియ్యం, నూనె తదితర నిత్యావసర వస్తువులతో పాటు నగదు ఆర్థికసాయం అందజేశారు. ఈ సందర్భంగా కాలనీకి చెందిన పలువురు నాయకులు తోట గిరియాదవ్‌ను ఘనంగా సన్మానించారు. ఈ కార్యక్రమంలో లయన్స్‌ క్లబ్‌ ఉపాధ్యక్షులు పాపిశెట్టి రాము, కౌన్సిలర్‌ రాధమ్మ వెంకటయ్య, టీఆర్‌ఎస్‌ నాయకులు గండికోట శంకర్‌, కాలనీ వాసులు మైసయ్య, జంగయ్య, శ్రీశైలం, మహేష్‌, శేఖర్‌, నరేష్‌, సత్తి, శివ, శ్రీరాములు, నర్సింహ, శ్రీను తదితరులు పాల్గొన్నారు.
