నవతెలంగాణ-శంషాబాద్‌
పోలియో మహమ్మారి నివారణలో భాగంగా చేపట్టిన పల్స్‌ పోలియో కార్యక్రమం ఆదివారం శంషాబాద్‌ మండ లంలో విజయవంతం అయింది. మండల పరిధిలోని పెద్ద షాపూర్‌నగర్‌, నర్కూడ ప్రాథమిక ఆరోగ్య కేంద్రాల పరిధి లో కార్యక్రమం నిర్వహించారు. పల్స్‌ పోలియో కార్యక్రమంలో మండలంలోని అన్ని గ్రామాల్లో సర్పంచ్‌లు, ఎంపీటీసీలు, వార్డు సభ్యులు మున్సిపల్‌ కౌన్సిల్‌ చైర్మెన్‌, వైస్‌ చైర్మెన్‌, కౌన్సిలర్లు ఉత్సాహంగా పాల్గొన్నారు. మండల పరిధిలోనీ పెద్ద తుప్పర గ్రామంలో డి. జయమ్మ శ్రీనివాస్‌ చిన్నారులకు పల్స్‌ పోలియో చుక్కలు వేశారు. మండల పరిధిలోని నర్కుడ గ్రామంలో జడ్పీటీసీ నీరటి తన్వి రాజుముదిరాజ్‌ పల్స్‌ పోలియో కార్యక్రమంలో ముఖ్య అతిథిగా పాల్గొని చిన్నారులకు పోలియో చుక్కలు వేశారు. ఈ కార్యక్రమంలో నర్కూడ సర్పంచ్‌ సిద్ధులు, ఎంపీటీసీ తోంట గౌతమి, పీహెచ్సీ వైద్యాధికారి డాక్టర్‌ దివ్య, అంగన్వాడీ టీచర్లు మల్లేశ్వరి, నలిని ఆశ వర్కర్‌ అమృత, తదితరులు పాల్గొన్నారు.
